Dinamalar

நடிகரும், இயக்குனருமான சூரிய கிரண் காலமானார்

நூற்றுக்கணக்கான படங்களில் குழந்தை நட்சத்திரமாக நடித்தவரும், இயக்குனருமான சூரிய கிரண், 48 உடல்நலக்குறைவால் சென்னையில் காலமானார். 1980களில் குழந்தை நட்சத்திரமாக தென்னிந்திய மொழிகளில் 200 படங்களில் நடித்தவர் மாஸ்டர் சுரேஷ். குறிப்பாக ‛மௌன கீதங்கள், கல்லுக்குள் ஈரம், கடல் மீன்கள், படிக்காதவன்' ஆகியவை தமிழில் அவர் நடித்த முக்கியமான படங்கள் ஆகும்.

பின்னர் தனது பெயரை சூரிய கிரண் என மாற்றி தெலுங்கில் சத்யம், பிரமாஸ்திரம் போன்ற படங்களை இயக்கினார். தெலுங்கு பிக்பாஸ் நிகழ்ச்சியிலும் பங்கேற்றார். தமிழில் வரலட்சுமி நடிப்பில் 'அரசி' என்ற படத்தை இயக்கி உள்ளார். இன்னும் இந்தப்படம் திரைக்கு வரவில்லை.

இவருக்கு மஞ்சள் காமாலை பாதிப்பு அதிகமாக இருந்ததாக கூறப்படுகிறது. மருத்துவமனையில் சிகிச்சை பெற்ற நிலையில் இன்று(மார்ச் 11) காலை 11 மணிக்கு அவரது உயிர் பிரிந்தது. நாளை இறுதிச்சடங்கு நடக்கிறது. இவர் நடிகை சுஜிதாவின் சகோதரர் ஆவார். குழந்தை நட்சத்திரமாக இரண்டு மத்திய அரசு விருதும், இயக்குனராக இரண்டு மாநில விருதும் (நந்தி அவார்டு) பெற்றுள்ளார் சூரிய கிரண்.

நடிகை காவேரியை திருமணம் செய்த சூரிய கிரண் அவருடன் ஏற்பட்ட கருத்து வேறுபாட்டால் பிரிந்துவிட்டார்.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு
• 
  விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' ...
• 
  பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி'
• 
  சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்!
• 
  தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை ...