Dinamalar

தள்ளாட்டத்தில் தமிழக தியேட்டர்கள்

2024ம் ஆண்டு தமிழ் சினிமாவில் பல பெரிய நடிகர்களின் படங்கள் வரப் போகிறது என புத்தாண்டு பிறந்த சமயத்தில் பலரும் ஆர்ப்பரித்தார்கள். ரஜினிகாந்த், கமல்ஹாசன், விஜய், அஜித், விக்ரம், சூர்யா, கார்த்தி, சிவகார்த்திகேயன், விஜய் சேதுபதி என பல முன்னணி நடிகர்களின் படங்கள் இந்த ஆண்டு வரப் போகிறது என அவர்களது ரசிகர்களும் கொண்டாட்டமாகவே இருந்தார்கள்.

ஆனால், இந்த வருடத்தின் இரண்டு மாதங்கள் முடிந்த நிலையில் லாபகரமான வசூல் என எந்த ஒரு படமும் தரவில்லை. பொங்கலுக்கு வெளிவந்த தனுஷ், சிவகார்த்திகேயன் படங்கள்தான் ஓரளவிற்கு பெரிய படங்கள். கடந்த மாதம் ஜெயம் ரவி நடித்த படம் மட்டுமே பிரபலமான நடிகர்கள் நடித்து வந்த படங்களாக இருந்தது. சில படங்கள் நான்கு வாரங்களைக் கடந்து ஓடிக் கொண்டிருக்கிறது என சிலர் சொன்னாலும் அந்தப் படங்களால் லாபமே இல்லை என்றும் புலம்புகிறார்கள்.

தற்போதைய சூழ்நிலையில் தியேட்டர்காரர்கள் தள்ளாட்டமான ஒரு சூழலையே எதிர்கொண்டுள்ளார்கள். வாராவாரம் வரும் புதிய படங்கள் இரண்டு நாட்கள் கூட தாக்குப் பிடிப்பதில்லையாம். பல தியேட்டர்களில் திரையிட படங்களே இல்லை. ஒரு சிலர் ரீ-ரிலீஸ் படங்களை வைத்து சமாளித்துக் கொண்டிருக்கிறார்கள். இப்போது 'மஞ்சும்மல் பாய்ஸ்' மலையாளப் படம் கொஞ்சம் காப்பாற்றி வருகிறது.

பன்னிரண்டு, பதினொன்றாம் வகுப்புகளுக்கு முழு ஆண்டுத் தேர்வு ஆரம்பமாகிவிட்டது. தேர்தல் பிரச்சாரங்களும் ஆரம்பமாகியுள்ளது. இன்னும் இரண்டு வாரங்களுக்குப் பிறகு ஐபிஎல் போட்டிகள் வேறு. இவற்றையும் சேர்த்து எதிர்கொள்ள வேண்டிய சூழல் இருப்பதால் பல தியேட்டர்களில் பல காட்சிகள் 'பிரேக்' ஆகும் நிலையை சமாளிக்க வேண்டியுள்ளதாம்.

வரப்போகும் பெரிய நடிகர்களின் படங்கள் ஒரு புறம் இருக்கட்டும், இப்போதைய சூழலை சமாளிக்க அந்த பெரிய நடிகர்கள் என்ன செய்யப் போகிறார்கள் ?, என்ற கேள்வி திரையுலகத்தில் எழுந்துள்ளது.

• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்

• 
  கலைமாமணி விருது பெற்றனர் சாய் பல்லவி, அனிருத், விக்ரம் பிரபு
• 
  மீண்டும் தனுஷ் படத்திற்கு இசையமைக்கும் அனிருத்
• 
  டியூட் சமூகப் பிரச்னையை வெளிச்சம் போட்டு காட்டும் : சொல்கிறார் பிரதீப் ...
• 
  கமலுக்கு அடுத்து அழகான ஹீரோ ஹரிஷ் கல்யாண் தான் : சொல்கிறார் இயக்குனர் ...
• 
  ரஜினியின் வேட்டையன் வெளியாகி ஓராண்டு நிறைவு : இயக்குனர் ஞானவேல் ...