Dinamalar

'போர்' கலப்பிடமில்லாத தமிழ் படம் : இயக்குனர் பிஜோய் நம்பியார்

பிரபல பாலிவுட் இயக்குனர் பிஜோய் நம்பியார். சைத்தான், டேவிட், வாஷிர், ஷோலோ படங்களை இயக்கியவர். தற்போது அவர் தமிழ், இந்தியில் இயக்கி வரும் படம் போர். இதில் அர்ஜூன் தாஸ், காளிதாஸ் ஜெயராம் இருவரும் நாயகர்களாக நடிக்கிறார்கள் டி.ஜே.பானு, சஞ்சனா நடராஜன், மெர்வின் ரொஸாரியோ மற்றும் பல முன்னணி நட்சத்திரங்கள் அவர்களோடு இணைந்து நடிக்கிறார்கள். வருகிற மார்ச் 1ம் தேதி படம் வெளிவருகிறது.

இப்படத்தின் டிரைலர் வெளியீட்டு விழா நடந்தது. இதில் இயக்குனர் பிஜோய் நம்பியார் பேசியதாவது: ஒரு நேரடியான தமிழ்ப்படம் எடுக்க வேண்டும் என்பதற்கான என்னுடைய மூன்றாவது முயற்சிதான் இந்த படம். ஷோலோ படத்தையும் அந்த எண்ணத்தில் தான் உருவாக்கினேன். ஆனால் அதை தியேட்டர்களில் வெளியிட முடியாமல் போனது. ‛போர்' ஒரு முழுமையான தமிழ்ப்படம். இதில் நடித்திருக்கும் முக்கிய நடிகர்கள் மற்றும் துணை நடிகர்கள் அனைவருமே தமிழ் தெரிந்தவர்கள்.

இது ஒரு கலப்படமற்ற முழு தமிழ் படம். கல்லூரி கால வாழ்க்கைத் தொடர்பான படம். எனக்கு எப்போதுமே கல்லூரி தொடர்பான கதைகளை உருவாக்குவதில் ஆர்வம் உண்டு. இப்படம் முழுக்க முழுக்க கல்லூரி செல்லும் இளைஞர்களை குறி வைத்து எடுக்கப்பட்டிருக்கும் படம். தமிழ்த் திரை உலகிற்குள் ஒரு தமிழ் திரைப்படத்தைக் கொண்டு நுழைய வேண்டும். தமிழ் பார்வையாளர்கள் என்னை ஒரு தமிழ் இயக்குநராகவே பார்க்க வேண்டும் என்பதற்காக எடுக்கப்படும் மூன்றாவது முயற்சி. இரண்டு எதிர் எதிர் கதாபாத்திரத்தின் யுத்தத்திற்கு 'போர்' என்கின்ற தலைப்பு சரியாக இருக்கும் என்று தோன்றிர்யதால் அதனையே தலைப்பாக வைத்திருக்கிறேன் என்றார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா