Dinamalar

தெலுங்குப் படங்கள் 200 கோடி கடக்க : தமிழ்ப் படங்கள் 100 கோடிக்கு தடுமாற்றம்

2024ம் ஆண்டு பொங்கல் தமிழ், தெலுங்கில் சில சர்ச்சைகளை ஏற்படுத்திய பொங்கலாக அமைந்தது. தமிழிலிருந்து தெலுங்கிற்கு டப்பிங் ஆன படங்களை ஒரே சமயத்தில் வெளியிட தெலுங்குத் திரையுலகினர் எதிர்ப்பு தெரிவித்தனர். அதனால், 'அயலான், கேப்டன் மில்லர்' படங்களால் அங்கு வெளியாக முடியவில்லை. இந்த வாரம் ஜனவரி 26ம் தேதிதான் வெளியாகிறது.

இதனிடையே, தெலுங்கில் பொங்கலுக்கு வெளியான படங்களில் மகேஷ் பாபு நடித்த 'குண்டூர் காரம்' படம் 230 கோடி வசூலையும், இளம் நடிகர் தேஜா சஜ்ஜா நடித்த 'ஹனுமான்' படம் 200 கோடி வசூலையும் கடந்துள்ளது. தெலுங்கில் வெளியான 4 படங்களில் 2 படங்கள் 200 கோடி வசூலைப் பெற்று சாதனை படைத்துள்ளது.

அதே சமயம் தமிழில் வெளியான 4 படங்களில் 2 படங்களான 'அயலான், கேப்டன் மில்லர்' ஆகிய இரண்டு படங்கள் மட்டுமே 75 கோடி வசூலைக் கடந்துள்ளதாகச் சொல்கிறார்கள். ஆனாலும், அந்தப் படங்கள் 100 கோடி வசூலைக் கடக்க தடுமாறி வருகின்றன. 2024ம் ஆண்டின் ஆரம்பத்தில் அதிகம் எதிர்பார்க்கப்பட்ட இந்தப் படங்களின் வசூல் எதிர்பார்த்த அளவு இல்லை என்ற வருத்தத்தில் தியேட்டர்காரர்கள் இருக்கிறார்கள்.

அடுத்து வரும் சில பெரிய படங்களாவது எதிர்பார்ப்பை மீறி வசூலிக்குமா என்ற எதிர்பார்ப்பில் இருக்கிறார்கள்.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  நடிகை ராதிகாவுக்கு டெங்கு : மருத்துவமனையில் அனுமதி
• 
  மோசடி வழக்கு : காமெடி நடிகர் சீனிவாசன் கைது
• 
  பிரபாஸ் படப்பிடிப்பு தளத்திற்கு விசிட் அடித்த பூரி ஜெகன்நாத், சார்மி ...
• 
  தனுஷ் நடிக்கும் 54வது படத்தின் படப்பிடிப்பு தொடங்கியது
• 
  மாதம்பட்டி ரங்கராஜ் உடனான திருமணம் : கணவன், மனைவியாக பயணத்தை துவங்கியதாக ...