பூரண குணமடைந்து வீடு திரும்பினார் விஜயகாந்த்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

11 டிச, 2023 - 10:31 IST

எழுத்தின் அளவு:

நடிகரும், தேமுதிக., தலைவருமான விஜயகாந்த் கடந்த சில ஆண்டுகளாகவே உடல்நலம் பாதிப்பால் அவதிப்படுகிறார். சமீபத்தில் அவருக்கு காய்ச்சல் உடன் இருமல் மற்றும் சளி தொந்தரவு ஏற்பட்டதால் சென்னை, மியாட் மருத்துவமனையில் அனுமதிக்கப்பட்டார்.

தொடர்ந்து அவரது உடல்நிலையில் திடீர் பின்னடைவு ஏற்பட்டதாக மருத்துவமனை நிர்வாகம் தெரிவித்தது. அதன்பின் தீவிர கண்காணிப்பில் அனுமதிக்கப்பட்ட விஜயகாந்த்திற்கு தொடர்ந்து மருத்துவர்கள் சிகிச்சை அளித்து வந்தனர். இதற்கிடையே அவரது உடல்நிலை மோசமாக இருப்பதாக தகவல் பரவியது. இதை விஜயகாந்தின் மனைவி பிரேமலதா மறுத்து வந்தார். மேலும் விஜயகாந்த் மீது ஏன் இவ்வளவு வன்மம் என மீடியாக்களையும் சாடினார்.

இந்நிலையில் விஜயகாந்த் குணமாகி வீடு திரும்பி உள்ளார். இதுதொடர்பாக மருத்துவமனை வெளியிட்ட அறிக்கை, ‛‛சென்னை மியாட் மருத்துவமனையில் சிகிச்சை பெற்று வந்த விஜயகாந்த் பூரண குணமடைந்து இன்று(டிச., 11) வீடு திரும்பினார்'' என தெரிவித்துள்ளது.

Vijayakanth

captain

Actorvijayakanth

கருத்துகள் (0) கருத்தைப் பதிவு செய்ய

துபாய் வீட்டில் கிருஷ்ண கீர்த்தனை ...

ஒரே நாளில் இரண்டு 'சர்ப்ரைஸ்' ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய