Dinamalar

சசிகுமாருடன் இணைந்த லிஜோ மோல் ஜோஷ்

முன்னணி மலையாள நடிகையான லிஜோ மோல் ஜோஷ், 'சிவப்பு மஞ்சள் பச்சை' படத்தின் மூலம் தமிழில் அறிமுகமானாலும் 'ஜெய் பீம்' படம்தான் அவருக்கு புகழை பெற்றுக் கொடுத்தது. அதன் பிறகு 'தீதும் நன்றும்' படத்தில் நடித்தார். தற்போது அன்னபூரணி, காதல் என்பது பொதுவுடமை படங்களில் நடித்து வருகிறார். இந்த நிலையில் அவர் அடுத்து சசிகுமார் ஜோடியாக நடிக்கிறார்.

'கழுகு' படத்தை இயக்கிய சத்ய சிவா 1990களில் நடந்த உண்மைச் சம்பவத்தை அடிப்படையாகக் கொண்டு ஒரு படத்தை இயக்குகிறார். இந்த படத்திற்கு இன்னும் டைட்டில் வைக்கவில்லை. அந்த காலகட்டத்தை பிரதிபலிக்கும் வகையில், சென்னை கிழக்கு கடற்கரை சாலையில் செட்டுகள் அமைத்து, படத்தின் காட்சிகளை படக்குழு படமாக்கி வருகிறது.

பாலிவுட் நடிகர் சுதேவ் நாயர் வில்லனாக நடிக்கிறார். இவர்களுடன் 'பருத்தி வீரன்' சரவணன், 'கேஜிஎப்' மாளவிகா, போஸ் வெங்கட், மு.ராமசாமி, ரமேஷ் கண்ணா ஆகியோர் முக்கிய வேடங்களில் நடிக்கின்றனர். தமிழில் ஏராளமான படங்களில் நிர்வாகத் தயாரிப்பாளராகப் பணியாற்றியுள்ள பாண்டியன் பரசுராம், முதல்முறையாக தனது விஜய கணபதி பிக்சர்ஸ் சார்பில் இப்படத்தை தயாரித்து வருகிறார்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  எந்த விதி மீறலும் இல்லை : தனுஷ் நோட்டீஸிற்கு நயன்தாரா பதில்
• 
  மீனாட்சி சவுத்ரி எடுத்த முடிவு
• 
  குடும்பமே இணைந்து தயாரிக்கும் 'பேமிலி படம்'
• 
  'விடாமுயற்சி' டீசர்: அஜித் ரசிகர்களை மகிழ வைத்த மகிழ் திருமேனி
• 
  விஜய் ஆண்டனி குடும்பத்தில் இருந்து வரும் வாரிசு நடிகர்