Dinamalar

டிடிஎப் வாசனின் ஓட்டுநர் உரிமம் ரத்து

பைக்கில் சாகசம் செய்து அந்த வீடியோவை தனது யு டியூப் சேனலில் வெளியிட்டு வந்தவர் டிடிஎப் வாசன். இதனால் அவரது சேனலை லட்சக்கணக்கானவர்கள் பின் தொடர்கிறார்கள். போக்குவரத்து விதிகளை மீறியதாக இவர் மீது பல வழக்குகள் உள்ளன. சினிமாவில் 'மஞ்சள் வீரன்' என்ற படத்தில் ஹீரோவாகவும் இவர் நடிக்கிறார்.

கடந்த மாதம் சென்னையில் விலை உயர்ந்த மோட்டார் சைக்கிளில் அதிவேகமாக சென்றார். அப்போது சாகசம் செய்ய முயன்றபோது விபத்து நடந்தது. இதில் அவரது கை எலும்பில் முறிவு ஏற்பட்டது. இதையடுத்து, மோட்டார் சைக்கிளை வேகமாகவும், கவனக்குறைவாகவும், அபாயகரமாகவும் ஓட்டி, விபத்தை ஏற்படுத்தியதாக டி.டி.எப். வாசன் மீது பாலுச்செட்டி சத்திரம் போலீசார் வழக்குப்பதிவு செய்தனர்.

இந்த வழக்கில் அவரை கடந்த செப்டம்பர் 19ந்தேதி கைது செய்தனர். இந்த வழக்கில் ஜாமின் கேட்டு முறையிட்டு வருகிறார் வாசன். சென்னை, ஐகோர்ட்டில் இந்த வழக்கு வந்தபோது, ''மனுதாரரின் யு-டியூப் சேனலை மூடிவிட்டு அவரது மோட்டார் சைக்கிளை எரித்து விடலாம்” என்று நீதிபதி காட்டமாக கருத்து தெரிவித்தார். அதோடு அவரின் ஜாமின் மனுவையும் தள்ளுபடி செய்தார்.

இதற்கிடையே இவரின் ஓட்டுநர் உரிமத்தை ரத்து செய்ய வேண்டும் என்ற கோரிக்கை வலுத்து வந்த நிலையில் இப்போது அவரின் ஓட்டுநர் உரிமத்தை 10 ஆண்டுகளுக்கு ரத்து செய்து காஞ்சிபுரம் ஆர்.டி.ஓ., உத்தரவிட்டார்.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா?
• 
  மீண்டும் காப்பி சர்ச்சையில் சிக்கிய அனிருத்!
• 
  வேள்பாரி நாவல்: ஷங்கருக்கு எதிராக வெளியான ட்ரோல்கள்!
• 
  விஜய் சேதுபதி படத்தில் வில்லி வேடத்தில் தபு!
• 
  ஐபிஎல் போட்டி நேரத்திற்கு இணையாக ‛பாகுபலி தி எபிக்' ரன்னிங் டைம்