என்டிஆர், நீல் படத்தில் இணைந்த பிரபல பாலிவுட் நடிகர்! | சித்தார்த் அப்படிப்பட்டவர் இல்லை! - கார்த்திக் ஜி கிரிஷ் | மலையாளத்தில் அறிமுகமாகும் துஷாரா விஜயன்! | குந்தனை நினைவுக்கூர்ந்த தனுஷ் | திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' இரண்டாம் பாடல் | 'பராசக்தி' படத்தின் டப்பிங்கை தொடங்கிய சிவகார்த்திகேயன்! | மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி! | 'தேரே இஷ்க் மே, ரிவால்வர் ரீட்டா' படங்களின் முதல் நாள் வசூல் எவ்வளவு? | 'ரூட்' படத்தின் டப்பிங் முடித்த கவுதம் ராம் கார்த்திக்! | 'ஜீனி' படத்தின் புதிய அப்டேட் இதோ! |

கவுதம் மேனன் இயக்கத்தில், ஹாரிஸ் ஜெயராஜ் இசையமைப்பில், விக்ரம், ரித்து வர்மா, பார்த்திபன், ராதிகா, சிம்ரன், விநாயகன் மற்றும் பலர் நடித்துள்ள படம் 'துருவ நட்சத்திரம்'. இப்படம் நவம்பர் மாதம் 24ம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.
கடந்த ஆறு ஆண்டுகளுக்கும் மேலாக தயாரிப்பில் இருந்த ஒரு படம். இத்தனை ஆண்டுகளுக்குப் பிறகு இப்படம் வெளியாவது என்பதே பெரிய விஷயம்தான். கடந்த சில ஆண்டுகளாக இப்படத்தை எப்படியாவது முடிக்க வேண்டும் என கவுதம் மேனன் நிறையவே முயன்றார். அவரது முயற்சிகள் வீணாகவில்லை. ஒரு வழியாக முட்டி மோதி படத்தை முடித்துவிட்டார்.
ஆறு ஆண்டுகளுக்கு முன்பு இப்படம் ஆரம்பமாகும் போது கவுதம் மேனன் உட்பட ஐந்து தயாரிப்பாளர்கள் இணைந்து தயாரிக்க ஆரம்பித்தார்கள். இப்போது கவுதம் மேனன் தவிர மற்ற நால்வரும் விலகிவிட்டார்கள். அந்த நால்வருக்குப் பதிலாக புதிதாக ஒரு பெண் தயாரிப்பாளர் இணைந்திருக்கிறார்.
இதற்கு மேலும் இப்படம் தள்ளிப் போகாமல் அறிவித்தபடி நவம்பர் 24ம் தேதி வெளியாகும் என விக்ரம் ரசிகர்களும், கவுதம் மேனன் ரசிகர்களும் ஆவலுடன் காத்திருக்கிறார்கள்.