Dinamalar

'ஜவான்' விழாவில் 'லியோ'க்குக் கிடைத்த வரவேற்பு : நொந்து போன ஷாரூக்கான்

அட்லீ இயக்கத்தில், அனிருத் இசையமைப்பில், ஷாரூக்கான், நயன்தாரா, விஜய் சேதுபதி, யோகிபாபு மற்றும் பலர் நடித்து செப்டம்பர் 7ம் தேதி வெளியாக உள்ள ஹிந்திப் படம் 'ஜவான்'. இப்படத்தின் வெளியீட்டிற்கு முந்தைய ஒரு விழாவை சென்னையில் நடத்த ஆசைப்பட்டார் படத்தின் இயக்குனர் அட்லீ. அவருடைய ஆசையை பெரிய மனதுடன் நிறைவேற்றினார் படத்தின் தயாரிப்பாளருமான ஷாரூக்கான்.

ஆனால், நேற்று நடைபெற்ற விழாவில் சிலர் பேசும் போது யதேச்சையாக 'லியோ' எனக் குறிப்பிட்டுப் பேசினர். அப்போது அரங்கில் இருந்த ரசிகர்களின் ஆரவாரம் அடங்க நீண்ட நேரம் ஆனது. குறிப்பாக பிரியாமணி பேசும் போது ரசிகர்கள் அவர்களது ஆரவாரத்தை நிறுத்தவேயில்லை. அனிருத் பேசும் போதும் 'லியோ அப்டேட்' எனக் கத்தினார்கள். அடுத்து அதுதான் எனப் பேசிவிட்டுச் சென்றார் அனிருத்.

தனது 'ஜவான்' படத்திற்கான புரமோஷனுக்காக மும்பையில் இருந்து வந்த ஷாரூக்கான் 'லியோ' படத்திற்கு இப்படி ஒரு இலவச புரமோஷன் கிடைத்ததைப் பார்த்து கொஞ்சம் அமைதியாகவே இருந்தார். இப்படத்தில் விஜய்யும் சிறப்புத் தோற்றத்தில் நடித்திருக்கிறார் என்கிறார்கள்.

விழாவுக்கு வந்திருந்த கல்லூரி மாணவர்கள், மாணவிகள் ஆரம்பம் முதலே ஆர்ப்பரிப்புடன் இருக்க முதலில் பேச வந்த படத்தின் எடிட்டர் ரூபன் எதையெதையோ பேசி நீண்ட நேரம் இழுத்து பொறுமையை சோதித்து நிகழ்ச்சியின் வேகத்தைக் குறைத்துவிட்டார். படத்தையும் அப்படி இழுஇழுவென இழுத்திருக்க மாட்டார் என்று நம்புவோமாக.

• 
  ரன்வீர் சிங் நடித்த ‛துரந்தர்' ஒரு தலைசிறந்த படைப்பு! -பாராட்டிய சூர்யா
• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...

• 
  ‛லொள்ளுசபா' வெங்கட்ராஜ் காலமானார்: நாளை வேளச்சேரியில் இறுதிசடங்கு
• 
  ‛என் தாய்மொழியை காக்க, பெரும் சேனை ஒன்று உண்டு': வெளியானது பராசக்தி ...
• 
  அஜித் குமாரை சந்தித்து புகைப்படம் எடுத்துக் கொண்ட 4 இயக்குனர்கள்!
• 
  பாரீசில் நாளை வெளியிடப்படும் வாரணாசி அறிவிப்பு டீசர்!
• 
  அஜித்தின் மங்காத்தா ஜனவரி 23ல் ரீரிலீஸ்!