Dinamalar

அறிமுகப்படுத்திய இயக்குனருடன் 11 வருடத்திற்கு பிறகு இணைந்த இஷா தல்வார்

மும்பையை சேர்ந்த நடிகை இஷா தல்வார் முதன்முதலாக நடிகையாக அறிமுகமானது மலையாளத்தில் தான். கடந்த 2012ல் வெளியான 'தட்டத்தின் மறயத்து' என்கிற படத்தில் தான். நிவின்பாலிக்கு ஜோடியாக இவர் அறிமுகமான இந்த படத்தை இயக்குனர் வினீத் சீனிவாசன் இயக்கியிருந்தார். அதைத்தொடர்ந்து மலையாளத்தில் சீரான இடைவெளியில் படங்களில் நடித்து வந்தார் இஷா தல்வார். இந்த நிலையில் கிட்டத்தட்ட 11 வருடங்கள் கழித்து மீண்டும் வினீத் சீனிவாசன் படத்தில் இணைந்துள்ளார் இஷா தல்வார்.

ஆனால் இந்த படத்தில் இயக்குனராக அல்ல, கதாநாயகனாக நடிக்கிறார் வினித் சீனிவாசன். ‛ஒரு ஜாதி ஒரு ஜாதகம்' என்கிற டைட்டிலில் உருவாகியுள்ள இந்த படத்தில் நிகிலா விமல் இன்னொரு கதாநாயகியாக நடிக்கிறார். இந்த படத்தை எம்.மோகனன் இயக்குகிறார். சென்னை கண்ணூர் ஆகிய பகுதிகளில் இந்த படத்தின் படப்பிடிப்பு நடைபெற்று வந்த நிலையில் தற்போது மொத்த படப்பிடிப்பு நிறைவடைந்துள்ளது.

• செய்திகள்