Dinamalar

'விக்ரம்' வசூலை முறியடித்ததா 'ஜெயிலர்'?

லோகேஷ் கனகராஜ் இயக்கத்தில், கமல்ஹாசன், விஜய் சேதுபதி, பகத் பாசில் மற்றும் பலர் நடித்து கடந்த வருடம் வெளிவந்த 'விக்ரம்' படம் 400 கோடிக்கும் அதிகமான வசூலைப் பெற்று சாதனை படைத்தது. தமிழகத்தில் இதுவரையிலும் வெளியான படங்களில் அதிக லாபத்தைக் கொடுத்த படம் என்று சொன்னார்கள்.

தற்போது அந்த சாதனையை 'ஜெயிலர்' படம் முறியடித்துவிட்டதாக சமூக வலைத்தளங்களில் செய்திக பரவி சண்டை நடந்து வருகிறது. 'ஜெயிலர்' படத்தின் வசூலை வேண்டுமென்றே அதிகமாகச் சொல்லி வருவதாக கமல்ஹாசன் ரசிகர்கள் 'டிரோல்' செய்து வருகிறார்கள். அதே சமயம், 'ஜெயிலர்' படத்திற்கு வார நாளான நேற்று கூட ரசிகர்களின் வருகை அதிகமாக இருந்ததாகவே தியேட்டர் வட்டாரங்களில் தெரிவிக்கிறார்கள்.

தெலுங்கில் மட்டும் 50 கோடி வசூலை கடந்துள்ளதாக அங்கிருந்து வரும் தகவல்கள் தெரிவிக்கின்றன. அமெரிக்காவில் இரண்டாவது வாரத்தைத் தொட்டுள்ள இந்தப் படத்தின் வசூல் தற்போது 4.5 மில்லியன் யுஎஸ் டாலரைக் கடந்துள்ளதாக அதிகாரப்பூர்வமாக அறிவித்துள்ளார்கள். தமிழில் 300 தியேட்டர்களிலும், தெலுங்கில் 200 தியேட்டர்களிலும் அங்கு படம் ஓடிக் கொண்டிருக்கிறதாம். தெலுங்கு வசூல் மட்டும் 1 மில்லியன் டாலரைக் கடந்துள்ளது.

கர்நாடகாவில் 40 கோடி வசூலைக் கடந்து 50 கோடி வசூலை நெருங்கும் என்கிறார்கள். கேரளாவில் 35 கோடி வசூலைக் கடந்துள்ள நிலையில் முதல் முறையாக ஒரு தமிழ்ப் படம் அங்கு 50 கோடியைக் கடக்க வாய்ப்புள்ளது என்றும் சொல்கிறார்கள். இப்படி புதிய சாதனைகளைப் படைத்து வரும் 'ஜெயிலர்' படம் இந்த வார இறுதிக்குள் 500 கோடி வசூலைத் தாண்டினால் ஆச்சரியப்படுவதற்கில்லை என்பதே பாக்ஸ் ஆபீஸ் வட்டாரத் தகவலாக உள்ளது.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு
• 
  விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' ...
• 
  பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி'
• 
  சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்!
• 
  தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை ...