புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! | புஷ்பா 2 படத்தில் டேவிட் வார்னர்? | கலகலப்பு 3ம் பாகத்தில் மீண்டும் விமல்? | லப்பர் பந்து இயக்குனரின் அடுத்த படத்தை தயாரிக்கும் தனுஷ் பட தயாரிப்பாளர்! | மெய்யழகன் படத்துடன் இணைந்த சர்தார் 2! | நேருக்கு நேர் மோதும் அஜித், சூர்யா படங்கள்! | படுகவர்ச்சியாக புகைப்படம் வெளியிட்ட ஜெனிபர் |
லோகேஷ் கனகராஜ் இயக்கத்தில் விஜய் நடித்து வரும் லியோ படத்தின் படப்பிடிப்பு கிட்டத்தட்ட நிறைவு பகுதியை நெருங்கி விட்டது. வரும் அக்டோபர் மாதம் படம் ரிலீஸாக உள்ளது. லோகேஷ் கனகராஜை பொருத்தவரை தன்னுடைய படங்களில் ஹீரோ மட்டுமல்லாது அதில் இடம்பெறும் ஒவ்வொரு கதாபாத்திரங்களுக்கும் முக்கியத்துவம் கொடுப்பவர். அதே சமயம் சில நிமிடமே வந்து போகும் கதாபாத்திரங்களில் கூட மிகப்பெரிய நடிகர்களை அழைத்து நடிக்க வைப்பவர். இதற்கு முன் அவர் கமலை வைத்து இயக்கிய விக்ரம் படத்தில் கிளைமாக்ஸில் வெறும் சில நிமிடங்களில் மட்டும் ரோலக்ஸ் என்கிற கதாபாத்திரத்தில் சூர்யா நடித்ததும் அப்படித்தான். ஆனால்சில நிமிடங்களே என்றாலும் அந்த ரோலக்ஸ் கதாபாத்திரம் சூர்யாவுக்கு மிகப்பெரிய பெயரைப் பெற்றுத் தந்தது.
அந்த வகையில் தற்போது லியோ படத்தில் ஏகப்பட்ட கதாபாத்திரங்கள் இணைந்து வருவதாக தகவல் வெளியாகி உள்ளது. ஹிந்தி இயக்குனர் அனுராக் காஷ்யப் இந்த படத்தில் சிறப்பு வேடத்தில் தோன்றுகிறார். இப்போது நடிகர் தனுஷ் மற்றும் ராம் சரண் ஆகியோரும் இதில் நடித்து வருவதாக தகவல் வெளியாகி உள்ளது.
சமீபத்தில் லியோ படப்பிடிப்பின்போது மதிய விருந்தில் லோகேஷ் கனகராஜ் மற்றும் விஜய்யுடன் ராம்சரண் கலந்து கொண்டார் என்று கூறி ஒரு புகைப்படமும் சோசியல் மீடியாவில் வெளியாகி உள்ளது. இதைத் தொடர்ந்து தான் இந்தப் படத்தில் ராம்சரணும் ஒரு முக்கியமான கெஸ்ட் ரோலில் நடிக்கிறார் என்கிற தகவல் வெளியாக துவங்கியது.
இன்னொரு பக்கம் இந்த படத்தை முடித்த பின்னர் தெலுங்கில் தான் நடிக்கும் படத்தை லோகேஷ் கனகராஜ் இயக்க வேண்டும் என ராம்சரண் விரும்புகிறார் என்றும் அதன் காரணமாகத்தான் இந்த சந்திப்பு என்றும் இன்னொரு யூகம் சொல்லப்படுகிறது.