Dinamalar

த்ரிஷா பகிர்ந்த புகைப்படத்திற்கு 25 லட்சம் லைக்ஸ்

சமூக வலைத்தளங்களில் நடிகைகள் பதிவிடும் பதிவுகளுக்குத்தான் அதிக லைக்குகள் கிடைப்பது வழக்கம். சில முன்னணி நடிகைகள் எந்த போட்டோக்களைப் பதிவிட்டாலும் குறைந்தது பத்து லட்சம் லைக்குகளாவது கிடைக்கும். ஆனால், ஒரு சில புகைப்படங்களுக்கு மட்டுமே அதைவிட அதிக லைக்குகள் கிடைக்கும்.

ஜுன் 22ம் தேதி விஜய் பிறந்தநாளை முன்னிட்டு காஷ்மீரில் நடைபெற்ற 'லியோ' படப்பிடிப்பின் போது விஜய்யுடன் இருக்கும் புகைப்படம் ஒன்றைப் பதிவிட்டிருந்தார் நடிகை த்ரிஷா. அந்த புகைப்படத்திற்கு 25 லட்சம் லைக்குகள் கிடைத்துள்ளது. இன்ஸ்டாகிராம் தளத்தில் த்ரிஷாவிற்கு இருப்பது 59 லட்சம் பாலோயர்கள்தான். அதில் பாதியளவு லைக்குகள் வந்திருப்பது ஆச்சரியமான ஒன்று.

த்ரிஷா நடித்த 'பொன்னியின் செல்வன்' படத்திற்கான புரமோஷன் நிகழ்வுகளின் போது விதவிதமான தனது புகைப்படங்கள் பலவற்றைப் பதிவிட்டிருந்தார் த்ரிஷா. ஆனால், அப்புகைப்படங்களில் ஒரு பதிவிற்கு மட்டுமே அதிகபட்சமாக 13 லட்சம் லைக்குகள் கிடைத்தது. அதே சமயம், 'லியோ' படத்திற்கான பூஜை 20 வாரங்களுக்கு முன்பு நடைபெற்ற போது விஜய்யுடன் பேசிக் கொண்டிருந்த புகைப்படத்தைப் பதிவிட்டதற்கு 22 லட்சம் லைக்குகள் கிடைத்துள்ளது.

த்ரிஷாவின் தனிப்பட்ட போட்டோக்களுக்குக் கிடைக்காத லைக்குகள் விஜய்யுடன் சேர்ந்து எடுத்த இரண்டு போட்டக்களுக்குக் கிடைக்கக் காரணம் விஜய் ரசிகர்களே. 'லியோ' படத்தில் இருவரும் 15 வருடங்களுக்குப் பிறகு மீண்டும் இணைந்து நடிக்கின்றனர் என்பது குறிப்பிட வேண்டிய ஒன்று.

• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்
• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...

• 
  காந்தாரா சாப்டர்-1 : நேஷனல் கிரஷ் ஆன ருக்மணி வசந்த்!
• 
  மீண்டும் ஹிந்தியில் கால் பதிக்கும் ராஷி கண்ணா!
• 
  பிரதமருடன் நடிகர் ராம் சரண் சந்திப்பு
• 
  3வது முறையாக ரஜினி- நெல்சன் கூட்டணி இணையப்போகிறது?
• 
  தீபாவளிக்கு வெளியாகும் 'கருப்பு' படத்தின் முதல் பாடல்!