Dinamalar

கேன்ஸ் திரைப்பட விழாவில் சாகுந்தலம் படத்திற்கு கிடைத்த விருது

குணசேகர் இயக்கத்தில் சமந்தா நடிப்பில் கடந்த மாதம் வெளியான படம் சாகுந்தலம். புராண காவியமாக சாகுந்தலத்தை தழுவி எடுக்கப்பட்டுள்ள இந்தப்படம் மிகவும் பெரிய எதிர்பார்ப்புடன் வெளியானாலும் அதை ஈடுகட்ட தவறி தோல்வியை தழுவியது. அதேசமயம் இந்த படம் தொழில்நுட்ப ரீதியாக நேர்த்தியாக உருவாக்கப்பட்டது என்கிற பாராட்டுக்களை பெறவும் தவறவில்லை. அந்த வகையில் தற்போது கேன்ஸ் திரைப்பட விழாவில் திரையிடப்பட்ட இந்த படத்திற்கு சிறந்த ஆடை வடிவமைப்பாளர் என்கிற விருது இந்த படத்தில் பணியாற்றிய ஆடை வடிவமைப்பாளர் நீட்டா லுல்லாவுக்கு வழங்கப்பட்டுள்ளது.

பலரும் நினைப்பது போல இது கேன்ஸ் திரைப்பட விழா (Festival de cannes) கிடையாது. கேன்ஸ் உலகத் திரைப்பட விழாவில் தான் (Cannes World Film Festival) சாகுந்தலம் படத்திற்கு விருது கிடைத்துள்ளது குறிப்பிடத்தக்கது.

1985லிருந்து கிட்டத்தட்ட 35 ஆண்டுகளுக்கு மேல் ஆடை வடிவமைப்பாளராக பணியாற்றி வரும் நீட்டா லுல்லா 300 படங்களுக்கு மேல் பணியாற்றியுள்ளார். இதற்கு முன்னதாக மூன்று முறை சிறந்த ஆடை வடிவமைப்பாளருக்கான தேசிய விருதும் பெற்றுள்ளார். புராண படமாக உருவாகிய சாகுந்தலம் படத்தில் அந்த காலகட்டத்திற்கு ஏற்ப ஆடைகளை வடிவமைத்து கொடுத்த இவருக்கு தற்போது கிடைத்துள்ள இந்த கேன்ஸ் திரைப்பட விருது மிகப்பெரிய அங்கீகாரம் என்றே சொல்லலாம்.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு
• 
  விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' ...
• 
  பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி'
• 
  சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்!
• 
  தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை ...