விஜய் 68 - யார் இயக்குனர் ?

15 மே, 2023 - 01:46 IST

0 கருத்துகள் கருத்தைப் பதிவு செய்ய

எழுத்தின் அளவு:

லோகேஷ் கனகராஜ் இயக்கத்தில் உருவாகி வரும் 'லியோ' படத்தின் படப்பிடிப்பு முடிவதற்கு முன்பாகவே விஜய்யின் 68வது படம் பற்றி ரசிகர்கள் பேச ஆரம்பித்துவிட்டார்கள். தெலுங்கு இயக்குனரான கோபிசந்த் மல்லினேனி அப்படத்தை இயக்கப் போகிறார் என்று தகவல்கள் வெளியாகி வருகிறது.

பல வெற்றிப் படங்களைத் தந்த, பல இயக்குனர்களை அறிமுகப்படுத்திய சூப்பர் குட் நிறுவனத்தின் 100வது தயாரிப்பாக அப்படம் உருவாக உள்ளது. அந்நிறுவனத்தின் தயாரிப்பாளர் ஆர்பி சௌத்ரி தெலுங்கிலும் சில படங்களைத் தயாரித்துள்ளார். அவரது 100வது படத்தில் தெலுங்கு தயாரிப்பு நிறுவனம் ஒன்றும் இணையப் போவதாகத் தெரிகிறது.

'வாரிசு' படத்தை தெலுங்கு இயக்குனரான வம்சி பைடிபள்ளி இயக்கியிருந்தார். அப்படம் 300 கோடி வசூல் என்று சொல்லப்பட்டாலும் ஒரு குடும்பப் படமாக மட்டுமே இருந்தது. விஜய் ரசிகர்களை பெரிதாக திருப்திப்படுத்தவில்லை. சீரியல் போல இருந்தது என்றும் நெகட்டிவ் கமெண்ட்டுகள் வந்தது.

விஜய்யின் 68வது படத்தையும் தெலுங்கு இயக்குனர் கோபிசந்த் மல்லினேனி இயக்கப் போகிறார் என்ற தகவல் விஜய் ரசிகர்களுக்குக் கொஞ்சம் அதிர்ச்சியாகத்தான் உள்ளது. தெலுங்கில் அதிரடி ஆக்ஷன் படங்களை இயக்கியவர் மல்லினேனி. கடைசியாக பாலகிருஷ்ணா நடித்த 'வீர சிம்ஹாரெட்டி' படத்தை இயக்கியிருந்தார். அதற்கு முன்பாக “கிராக், வின்னர், பண்டகா சேஸ்கோ, பலுப்பு, பாடிகார்டு, டான் சீனு” ஆகிய படங்களை இயக்கியிருக்கிறார். ஆக்ஷன் படங்களை எடுப்பதில் அசத்துபவர் கோபிசந்த்.

அதனால், விஜய்யை வைத்து இயக்கும் போது பாலகிருஷ்ணா படத்தை விடவும் ஆக்ஷன் வைப்பார் என்பதில் சந்தேகமில்லை. இருந்தாலும் அதிகாரப்பூர்வ அறிவிப்பு வரும் வரை எதுவும் நிரந்தரமில்லை.

Vijay68

Actorvijay

Thalapathy68

gopichandmalineni

கருத்துகள் (0) கருத்தைப் பதிவு செய்ய

ஜவான் படத்தை தொடர்ந்து மற்றொரு ...

25 ஆண்டுகளுக்கு பிறகு ஹிந்தி படத்தில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய