Dinamalar

மாநாடு ஹிந்தி ரீமேக்கில் எஸ்ஜே சூர்யாவாக மாறும் ரவிதேஜா

கடந்த 2021 நவம்பர் மாதம் வெங்கட் பிரபு இயக்கத்தில் சிலம்பரசன், எஸ்ஜே சூர்யா நடிப்பில் வெளியான படம் மாநாடு. முதல்முறையாக இந்தியாவில் அதுவும் தமிழில் டைம் லூப் என்கிற கான்செப்டை மையப்படுத்தி உருவானது இந்த படம். ஆரம்பம் முதல் இறுதி வரை விறுவிறுப்பாக இருந்ததுடன் ரசிகர்களுக்கு 100% பொழுதுபோக்கு படமாகவும் அமைந்தது. குறிப்பாக இந்த படத்தில் ஹீரோவாக நடித்த சிலம்பரசனுக்கும் வில்லனாக நடித்த எஸ்ஜே சூர்யாவிற்கும் சம அளவு முக்கியத்துவம் கொடுக்கப்பட்டது. அதேசமயம் ஹீரோவை விட வில்லன் எஸ்ஜே சூர்யா இன்னும் ஒரு படி அதிகமாகவே ஸ்கோர் செய்தார் என்று கூட சொல்லலாம்.

இந்தநிலையில் இந்தப்படம் தற்போது தெலுங்கு மற்றும் இந்தியில் ஒரே நேரத்தில் ரீமேக் செய்யப்பட இருக்கிறது. இதில் சிலம்பரசன் கதாபாத்திரத்தில் பாலிவுட் நடிகர் வருண் தவானும் எஸ்ஜே சூர்யா நடித்த கதாபாத்திரத்தில் தெலுங்கு முன்னணி நடிகரான ரவிதேஜாவும் நடிக்க இருக்கிறார்கள் என்று சொல்லப்படுகிறது. இதன் மூலம் ரவிதேஜா முதன்முறையாக இந்தியிலும் அடியெடுத்து வைக்க இருக்கிறாராம். தமிழில் இயக்கிய வெங்கட்பிரபுவே இந்தப்படத்தின் இந்தி, தெலுங்கு ரீமேக்கை இயக்குவாரா அல்லது வேறு இயக்குனர் இயக்குவாரா என்பது குறித்து இனிமேல் தான் தெரிய வரும் என்கிறார்கள் தெலுங்கு திரை உலக வட்டாரத்தில்.

• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்

• 
  கலைமாமணி விருது பெற்றனர் சாய் பல்லவி, அனிருத், விக்ரம் பிரபு
• 
  மீண்டும் தனுஷ் படத்திற்கு இசையமைக்கும் அனிருத்
• 
  டியூட் சமூகப் பிரச்னையை வெளிச்சம் போட்டு காட்டும் : சொல்கிறார் பிரதீப் ...
• 
  கமலுக்கு அடுத்து அழகான ஹீரோ ஹரிஷ் கல்யாண் தான் : சொல்கிறார் இயக்குனர் ...
• 
  ரஜினியின் வேட்டையன் வெளியாகி ஓராண்டு நிறைவு : இயக்குனர் ஞானவேல் ...