Dinamalar

விபத்தில் இருந்து தப்பிய ஏ.ஆர்.ரஹ்மானின் மகன்

இசையமைப்பாளர் ஏ.ஆர்.ரஹ்மானின் மகன் ஏ.ஆர்.அமீன். இசைக்கலைஞராக மட்டுமில்லாமல் பாடகராகவும் உள்ளார். 'ஓ காதல் கண்மனி', 'தில் பேச்சாரா' உள்ளிட்ட படங்களில் அவர் பாடி இருக்கார். அத்துடன் ஆல்பங்களையும் வெளியிட்டு வருகிறார். அப்பா ரஹ்மானுடன் நாடு முழுவதும் இசை நிகழ்ச்சிகளிலும் கலந்து கொண்டு பாடி வருகிறார்.

இந்நிலையில் ஓர் அதிர்ச்சியான தகவலை தனது இன்ஸ்டாவில் ஏ.ஆர்.அமீன் பகிர்ந்துள்ளார். சமீபத்தில் ஒரு பாடலுக்காக நடத்தப்பட்ட படப்பிடிப்பில் ஏற்பட்ட விபத்து குறித்த புகைப்படங்களை அவர் பகிர்ந்துள்ளார்.

அதாவது, இரண்டு தினங்களுக்கு முன்பு பாடல் படப்பிடிப்பு நடந்த போது அமீன் உள்ளிட்ட இசைக்கலைஞர்கள் கேமரா முன் பாடுவதில் ஆர்வமாக இருந்தனர். அப்போது கிரேனில் நிறுத்தி வைக்கப்பட்டிருந்த ட்ரஸ் மற்றும் சரவிளக்குகள் திடீரென்று சரிந்து கீழே விழுந்தன. அப்போது அமீன் மற்றும் குழுவினர் சற்று தள்ளி நின்றதால் விபத்தில் சிக்காமல் தப்பினர்.

இந்த சம்பவத்தை குறித்து பதிவிட்டுள்ள ஏ.ஆர்.அமீன்," இன்று பாதுகாப்பாகவும், உயிருடனும் இருப்பதற்காக எல்லாம் வல்ல இறைவனுக்கும், பெற்றோருக்கும், குடும்பத்தினருக்கும், நலம் விரும்பிகளுக்கும், ஆன்மிக குருமார்களுக்கும் நன்றியைக் கூறிக்கொள்கிறேன்" என கூறியுள்ளார்.

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  சினேகா கேட்ட கேள்வி : பதில் சொல்ல மறுத்த சேரன்
• 
  எளிமையாக நடந்த கமல்ஹாசன் பிறந்தநாள் கொண்டாட்டம்
• 
  சினிமாவில் எதுவும் நிரந்தரமில்லை! : நந்திதா
• 
  அனுஷ்கா பிறந்தநாளில் வெளியான 'கதனார்' படத்தின் அழகிய போஸ்டர்!
• 
  யஷ் படத்துடன் மோதுவதில் பயமில்லை : தெலுங்கு இளம் ஹீரோ தில் பேச்சு