லியோவுக்காக லோகேஷ் கனகராஜுடன் கூட்டணி சேர்ந்த பெண் ; யார் இவர்?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

26 பிப், 2023 - 11:13 IST

எழுத்தின் அளவு:

Nandini-Nagaraj-teams-up-with-Lokesh-Kanagaraj-for-Leo

மாஸ்டர் படத்தை தொடர்ந்து மீண்டும் லோகேஷ் கனகராஜ் இயக்கத்தில் விஜய் நடித்து வரும் படம் லியோ. இந்த படத்தில் கதாநாயகியாக திரிஷா நடிக்கிறார். முக்கிய வேடங்களில் பிரியா ஆனந்த், அபிராமி வெங்கடாசலம் ஆகியோரும் நடித்து வருகின்றனர். இந்தநிலையில் பெண் ஒருவர் லோகேஷ் கனகராஜுடன் இணைந்து எடுத்துக்கொண்ட புகைப்படம் ஒன்று சமீபத்தில் சோசியல் மீடியாவில் வெளியாகி ரசிகர்களின் புருவங்களை உயர்த்தியது. சிலர் அவரது தோற்றத்தை பார்த்துவிட்டு, விக்ரம் படத்தில் நடித்த பிக்பாஸ் புகழ் ஷிவானி நாராயணன் என்று கூட தவறுதலாக நினைத்துக்கொண்டு இந்த படத்தை லோகேஷ் கனகராஜின் எல்.சி.யு.,வுடன் இணைத்து பேசி வருகின்றனர்.

ஆனால் அந்த புகைப்படத்தில் இருப்பவர் மாடல் அழகியும் மிஸ் சவுத் இந்தியா பட்டம் வென்றவருமான நந்தினி நாகராஜ் என்பவர் தான்.. அது மட்டுமல்ல இவர் தொழிலதிபராகவும் திரைப்பட தயாரிப்பாளராகவும் இருப்பதுடன் ‛வால் ஆப் ஃபேம்' என்கிற விருது வழங்கும் விழாவையும் நடத்தி வருவதாக தனது இன்ஸ்டாகிராம் சுயவிவர குறிப்பில் குறிப்பிட்டுள்ளார். இவருடன் எடுத்துக்கொண்டுள்ள புகைப்படத்தில் லோகேஷ் கனகராஜ், தான் அணிந்துள்ள அதே உடையுடன் அதே இடத்தில் நடிகர் விஜய்யுடனும் இணைந்து எடுத்துக்கொண்ட இன்னொரு புகைப்படமும் வெளியாகி உள்ளதால் இந்த படத்தில் நந்தினி நாகராஜ் முக்கிய வேடத்தில் நடித்து வருகிறார் என்றும் சொல்லப்படுகிறது.

Leo

Nandini Nagaraj

Lokesh Kanagaraj

Thalapathy67

கருத்துகள் (0) கருத்தைப் பதிவு செய்ய

சினிமாவில் 13 ஆண்டுகள்: சமந்தாவின் ...

ஆடுகளம் படத்தை பெருமைப்படுத்திய ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய