Dinamalar

பிக்கப் ஆகும் விவேக் பிரசன்னா

தமிழ் திரையுலகில் ரசிகர்கள் மனதில் பதியும் விதமான கதாநாயகர்கள் எப்போதாவது ஒருமுறை தான் அறிமுகம் ஆகிறார்கள். அதேசமயம் இளம் குணச்சித்திர நடிகர்கள் கதாபாத்திரத்திற்கும் தமிழ் சினிமாவில் பஞ்சம் நிலவத்தான் செய்கிறது. அந்த வகையில் தற்போது நம்பிக்கையூட்டும் குணச்சித்திர நடிகராக வளர்ந்து வருகிறார் நடிகர் விவேக் பிரசன்னா. இதற்கு முன்னதாக பேட்ட படத்தில் கல்லூரி பேராசிரியராக நடித்து ரசிகர்களிடம் ஓரளவு அறிமுகமானவர், சின்னச்சின்ன வில்லன் வேடங்களில் நடித்து வந்தார்.

சில வாரங்களுக்கு முன்பு எஸ்ஜே சூர்யா நடிப்பில் வெளியான வெலோனி என்கிற வெப் சீரிஸில் முழுவதும் வருகின்ற ஒரு போலீஸ் இன்ஸ்பெக்டர் கதாபாத்திரத்தில் அதேசமயம் முழுக்க முழுக்க நகைச்சுவை கலந்து நடித்து அனைவரின் கவனத்தையும் ஈர்த்தார். கடந்த வாரம் ஓடிடியில் வெளியான உடன்பால் என்கிற திரைப்படத்தில் மிகச்சிறந்த காமெடி நடிப்பால் இன்னும் ஒருபடி நடிப்பில் மேலே சென்றுள்ளார் விவேக் பிரசன்னா.

அடுத்ததாக இவரது நடிப்பில் பொய்யின்றி அமையாது உலகு என்கிற திரைப்படம் விரைவில் வெளியாக இருக்கிறது. அந்த வகையில் நம்பிக்கை தரும் குணச்சித்திர நடிகராக வளர்ந்து வரும் விவேக் பிரசன்னாவை வரும் காலங்களில் ஹீரோவாக்கும் முயற்சி நடந்தாலும் நடக்கலாம். ஆச்சரியப்படுவதற்கு இல்லை.

• 
  'பாகுபலி' தயாரிப்பாளர்களை கடுமையாகப் பேசிய போனி கபூர்
• 
  நஷ்டத்துடன் ஓட்டத்தை முடிக்கும் 'வார் 2'
• 
  செப்டம்பர் 12ல் நெட்பிளிக்சில் வெளியாகும் சாயாரா!
• 
  ‛லோகா சாப்டர் 1 ; சந்திரா' படத்துக்கு பிரியங்கா சோப்ரா பாராட்டு
• 
  நடிகைகளை வைத்து பாலியல் தொழில் : பாலிவுட் நடிகை கைது

• 
  எனக்கு நீதி வாங்கித் தாங்க : மாதம்பட்டி ரங்கராஜ் பற்றி முதல்வரிடம் ...
• 
  நடிகை காஜல் அகர்வால் குறித்து தீயாய் பரவும் வதந்தி
• 
  பராசக்தி படத்தில் ராணா நடிப்பதை உறுதிப்படுத்திய சிவகார்த்திகேயன்
• 
  மதராஸி - காந்தி கண்ணாடி படங்களின் மூன்று நாள் வசூல் எவ்வளவு?
• 
  அமீர்கான் படத்தை கைவிட்டாரா லோகேஷ் கனகராஜ்