Dinamalar

புதுமுகங்களின் படத்திற்கு பாடல் எழுதிய தலைமை செயலாளர் இறையன்பு

ஓம் ஜெயம் தியேட்டர் நிறுவனம் தயாரித்துள்ள படம் 'பியூட்டி'. ரிஷி, கரீனா ஷா, சிங்கமுத்து, ஆதேஷ் பாலா, ஆகியோர் நடித்துள்ளனர். ஒளிப்பதிவு செய்து தயாரித்திருக்கிறார் ஆர்.தீபக்குமார். இலக்கியன் இசை அமைத்துள்ளார். கோ.ஆனந்த சிவா இயக்கி உள்ளார்.

படம் பற்றி அவர் கூறியதாவது: தான் நினைப்பது மட்டுமே சரி என்று, எதிர்மறை எண்ணத்துடன் தவறாகவே வாழும் ஒரு மனிதனைச் சந்தித்த பொழுது அதிர்ந்து, அந்த பாதிப்பில் இருந்து மீள முடியாமல், அவர் கதையையே 'சைக்கலாஜிகல் லவ் த்ரில்லராக இந்த படத்தை உருவாக்கி இருக்கிறேன். இந்த படத்தில் தலைமை செயலாளர் இறையன்பு இரண்டு பாடல்கள் எழுதியிருக்கிறார். “எத்தனை அழகை அத்தனை நாட்கள் எங்கே பதுக்கி வைத்தாய்?!” என்ற பாடல், காதலர்களின் காலர் ட்யூனாக இருக்கும் என்று உறுதியாகச் சொல்லலாம்.

ராமோஜிராவ் பிலிம் சிட்டியில், இந்தப் பாடல் மிகப்பிரம்மாண்டமாக காட்சிப்படுத்தப்பட்டுள்ளது. பியூட்டி என்ற பெயருக்குப் பொருத்தமாகத் தஞ்சாவூரின் அழகான இயற்கை எழில் கொஞ்சும் இடங்கள், வயல்வெளிகள், ஆறுகளில் படப்பிடிப்பு நடந்துள்ளது. என்றார்.

• செய்திகள்