Dinamalar

விடுதலை படமும் என்கவுன்டர் கதைக்களமா? - வெற்றிமாறன் சொன்ன பதில்

போலீஸ் கதையை மையமாக கொண்டு விடுதலை என்ற படத்தை இயக்கி வருகிறார் வெற்றிமாறன் . விஜய் சேதுபதி, சூரி ஆகியோர் முக்கிய வேடங்களில் நடிக்கும் இந்த படத்திற்கு இளையராஜா இசையமைக்கிறார். இரண்டு பாகங்களாக உருவாகியுள்ள இந்த படத்தின் படப்பிடிப்பு முடிவடைந்து விட்டதாகவும் விரைவில் படத்தின் ரிலீஸ் குறித்த தகவல் வெளியாகும் என்றும் ஒரு பேட்டியில் தெரிவித்து இருக்கிறார் வெற்றிமாறன்.

மேலும் வெற்றி மாறன் தனது படங்களில் என்கவுன்டர் சம்பந்தப்பட்ட கதைகளை தொடர்ந்து படமாக்குவது குறித்து கூறுகையில், காவல் துறையில் உள்ள குறைகளை மட்டும் தொடர்ந்து சொல்ல வேண்டும் என்ற எந்த எண்ணமும் எனக்கு இல்லை. பொதுவாக மக்கள் மீது ஒரு அமைப்பு ரீதியாக ஒடுக்கு முறைகளை அதிகம் நடத்துவது காவல்துறைதான். ஆகையால் தான் என் படங்களில் அது குறித்த விஷயங்களை அதிகமாக சொல்லி வருகிறேன்.

விசாரணை படத்தில் காவல்துறையின் அடக்குமுறைகள் தான் முழுக்க முழுக்க இடம் பெற்றிருந்தது. அதேபோல் இந்த விடுதலை படமும் காவல்துறை சம்பந்தப்பட்ட பிரச்சனைகளை களமாகக் கொண்டே உருவாக்கப்பட்டுள்ளது. இதில் மற்ற படங்களில் சொல்லப்படாத பல புதிய விஷயங்கள் இடம்பெற்றுள்ளது என்று தெரிவித்துள்ள வெற்றிமாறன், இந்த விடுதலைப் படத்தின் படப்பிடிப்பு முடிவடைந்து விட்டதால் விரைவில் ரிலீஸ் தேதி அறிவிக்கப்படும் என்றும் தெரிவித்திருக்கிறார்.

• 
  அஜித் தோவல் வேடத்தில் மாதவன்
• 
  ரன்வீர் சிங் ஜோடியான சாரா அர்ஜுன்
• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2

• 
  ‛டிமான்டி காலனி 3' படப்பிடிப்பை தொடங்கிய அஜய் ஞானமுத்து
• 
  முதல் படத்திலேயே அதிர்ச்சி தோல்வியை சந்தித்த சூர்யா சேதுபதி
• 
  டாக்சிக் படத்தில் இணைந்த அனிருத்
• 
  ‛இவன் தந்திரன் 2'ம் பாகம் படப்பிடிப்பு துவங்கியது
• 
  பூரி ஜெகன்னாத் படத்தில் விஜய் சேதுபதி; ஹைதராபாத்தில் துவங்கியது ...