Dinamalar

தெலுங்கில் தடம் பதித்த அச்சு ராஜாமணி

கோலிசோடா 2, கொலையுதிர்காலம் உள்ளிட்ட பல படங்களுக்கு இசை அமைத்தவர் அச்சு ராஜாமணி. தற்போது ஊர்வசியோ ராட்சசியோ என்ற படத்தின் மூலம் தெலுங்கில் அறிமுகமாகி இருக்கிறார். இந்த படம் ஹரிஷ் கல்யாண், ரெய்சா வில்சன் நடித்த பியார் பிரேம காதல் படத்தின் ரீமேக். தற்போது தெலுங்கு படத்தின் பாடல்கள் அங்கு பெரிய அளவில் ஹிட்டாகி உள்ளது. இதன் மூலம் அச்சு ராஜாமணி தெலுங்கில் வலுவாக தடம் பதித்திருக்கிறார்.

இதுகுறித்து அவர் கூறியதாவது: இந்தப் படத்தின் ஹீரோ அல்லு சிரிஷும் நானும் 2015ல் இருந்தே நெருங்கிய நண்பர்கள். அவர் மூலமாகத்தான் இந்த படத்திற்கு இசையமைக்கும் வாய்ப்பும் என்னை தேடி வந்தது.

பியார் பிரேமா காதல் படத்தை நான் கிட்டத்தட்ட 5 தடவைக்கு மேல் பார்த்துவிட்டேன். இங்கே யுவன் ரொம்ப அழகாக பண்ணியிருக்கிறார். ஆனால் தெலுங்கில் இந்த படத்தை ரீமேக் என பார்க்காமல் ஒரு தனி தெலுங்கு படமாகத்தான் உருவாக்கியுள்ளோம். குறிப்பாக ஒரிஜினலை கெடுத்து விடக்கூடாது என்பதில் உறுதியாக இருந்தோம். அதனால் தெலுங்கில் மேக்கிங்கிலும் சரி இசையிலும் சரி இன்னும் கொஞ்சம் மேம்படுத்தி இருக்கிறோம் என்று கூட சொல்லலாம். தமிழில் பயன்படுத்திய எந்த ஒரு இசையையும் இந்தப்படத்தில் தெலுங்கிற்காக நாங்கள் எடுத்துக்கொள்ளவில்லை. தமிழுக்கும் தெலுங்கிற்கும் ரொம்பவே வித்தியாசம் காட்டி இருக்கிறோம்.

இந்த படத்தில் 5 பாடல்கள் இருக்கின்றன. ஏற்கனவே இந்த படத்தில் இரண்டு பாடல்கள் ட்ரெண்டிங்கில் இடம்பிடித்து படத்தின் மீதான எதிர்பார்ப்பை அதிகப்படுத்தின. பாடல்கள், பின்னணி இசை விஷயத்தில் இந்த படத்தில் பணியாற்ற முழு சுதந்திரம் எனக்கு இருந்தது.
தமிழில் விஜய் ஆண்டனி நடித்து வரும் மழை பிடிக்காத மனிதன், அடுத்ததாக நாற்கர போர், சாமான்யன் ஆகிய படங்களுக்கு இசையமைத்து வருகிறேன். அடுத்து கோலி சோடா மூன்றாம் பாகம் பண்ணும் ஐடியாவும் இருக்கிறது. இன்னும் இரண்டு படங்களுக்கு பேச்சுவார்த்தை நடந்து வருகிறது. என்றார்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மோகன்லாலின் 5 படங்களுக்கு மொத்தமாக ரிலீஸ் தேதி அறிவிப்பு
• 
  சித்தார்த் பட பாடலாசிரியர் மரணம்
• 
  நடிகர் தர்ஷன் மீது தவறாக குற்றம் சாட்டியுள்ளனர் : சூடு பிடிக்கும் வழக்கு
• 
  8ம் ஆண்டு திருமண கொண்டாட்டத்தில் திலீப் - காவ்யா மாதவன்
• 
  மது அருந்திவிட்டு வாகனம் ஓட்டிய மஞ்சும்மேல் பாய்ஸ் நடிகர் கைது