கமல் மகள் ஸ்ருதிக்கு கருப்பை வீக்க பாதிப்பு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கமல் மகள் ஸ்ருதிக்கு கருப்பை வீக்க பாதிப்பு

01 ஜூலை, 2022 - 11:04 IST

எழுத்தின் அளவு:

மும்பை: கமல்ஹாசன் மகளும், நடிகையுமான ஸ்ருதிஹாசன்(36), 'ஹார்மோன்' கோளாறுகளால் கருப்பை வீக்கம் போன்ற பிரச்னைகளால் அவதிப்படுவதாக தெரிவித்துள்ளார்.

நடிகை ஸ்ருதிஹாசன் தமிழ், தெலுங்கு மற்றும் ஹிந்திப்படங்களில் நடித்து வருகிறார். பத்திரிகைகளிடம் வெளிப்படையாக பேசும் பழக்கம் உடைய இவர், ஒரு காலத்தில் குடிப் பழக்கத்துக்கு அடிமையாகி அதில் இருந்து படிப்படியாக மீண்டதாக தெரிவித்தது பரபரப்பை ஏற்படுத்தியது.

இந்நிலையில், ஸ்ருதிஹாசன் உடற்பயிற்சி செய்யும், 'வீடியோ'வை தன் சமூக வலைதள பக்கத்தில், வெளியிட்டுள்ளார். அதில் அவர் கூறியிருப்பதாவது: 'பாலிசிஸ்டிக் ஓவரி சிண்ட்ரோம்' எனப்படும், கருப்பை வீக்கம் மற்றும் கருப்பையை சுற்றி நீர்க்கட்டிகள் வருதல், 'எண்டோமெட்ரியோசிஸ்' எனப்படும், 'ஹார்மோன்' கோளாறுகளால் கடுமையாக பாதிக்கப்பட்டுள்ளேன்.

இது எவ்வளவு கடுமையான போராட்டம் என்பதை பெண்கள் நன்றாகவே அறிவர். இந்த பாதிப்புகளை எதிர்த்து போராட துவங்கி உள்ளேன். நம் உடல் சந்திக்கும் இயற்கையான பிரச்னைகள் என இவற்றை எதிர்கொள்ள துவங்கி உள்ளேன். சரியான உணவு பழக்கங்கள், நல்ல ஓய்வு மற்றும் உடற்பயிற்சிகள் வாயிலாக இந்த ஹார்மோன் குறைபாடுகளை சிறப்பாக கையாளுகிறேன்.

இவ்வாறு அவர் கூறியுள்ளார்.

Shrutihaasan

கருத்துகள் (0) கருத்தைப் பதிவு செய்ய

‛மயோன் 2' உருவாகிறது

புதுமுங்கள் உருவாக்கும் கனல்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய