Dinamalar

அடுத்து மாதங்கள் ஆறு : வரப்போகும் படங்கள் நுாறு ; எத்தனை தேறும் ஜோரு!

2022ம் ஆண்டின் ஆரம்பம் கொரோனா ஒமிக்ரான் அலையால் கொஞ்சம் தடுமாறினாலும் சில பல வெற்றிப் படங்களால் அந்த தடுமாற்றம் சரியானது. கடந்த வாரம் வெளிவந்த 'விக்ரம்' படமும் வெற்றிப் படமாக அமைந்துள்ளது வினியோகஸ்தர்களுக்கும், தியேட்டர்காரர்களுக்கும் மகிழ்ச்சியைக் கொடுத்துள்ளது. அடுத்த ஆறு மாத காலங்களில் சில முக்கிய படங்கள் வெளியாக உள்ளதால் அவர்களது மகிழ்ச்சி இன்னும் அதிகமாகவும் வாய்ப்புள்ளது.

இந்த ஜுன் மாதத்தில் அருண் விஜய் நடிக்கும் 'யானை', ஆர்ஜே பாலாஜி நடித்துள்ள 'வீட்ல விசேஷங்க', விஜய் சேதுபதி நடித்துள்ள 'மாமனிதன்' ஆகியவை எதிர்பார்க்கப்படும் படங்களாக உள்ளன.

ஜுலை மாதத்தில் மாதவன் நடித்துள்ள 'ராக்கெட்ரி', பார்த்திபன் நடித்துள்ள 'இரவின் நிழல்', தனுஷ் நடித்துள்ள 'திருச்சிற்றம்பலம்', எஸ்ஜே சூர்யா நடித்துள்ள 'பொம்மை' ஆகிய படங்கள் எதிர்பார்ப்பை ஏற்படுத்தியுள்ளன.

ஆகஸ்ட் மாதத்தில் விக்ரம் நடிப்பில் 'கோப்ரா', விஷால் நடிப்பில் 'லத்தி', சிம்பு நடிப்பில் 'வெந்து தணிந்தது காடு' ஆகிய படங்கள் முக்கியமான படங்களாக அமைந்துள்ளன.

வினாயக சதுர்த்தி அன்று கார்த்தி நடித்துள்ள 'விருமன்', சிவகார்த்திகேயனின் 20வது படம் ஆகியவை வெளியாகும் என ஏற்கெனவே அறிவிக்கப்பட்டுவிட்டன.

செப்டம்பர் மாதத்தில் ஆர்யா நடிப்பில் 'கேப்டன்', ஜெயம் ரவி நடிப்பில் 'அகிலன்' ஆகிய படங்கள் வர உள்ளன. அம்மாதத்திலேயே மணிரத்னம் இயக்கத்தில் பிரம்மாண்டமாக உருவாகி வரும் சரித்திரப் படமான 'பொன்னியின் செல்வன்' படம் செப்., 30ல் வெளியாக உள்ளது.

இவை தவிர மேலும் சில மீடியம் பட்ஜெட் படங்களும் வெளியீட்டிற்குத் தயாராக உள்ளன. தியேட்டர்கள் கிடைப்பதைப் பொறுத்து அப்படங்களும் வெளியாகும். அடுத்த ஆறு மாதங்களில் 100 படங்கள் வரை வெளிவந்தால் ஆச்சரியப்படுவதற்கில்லை.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  300 மில்லியன் பார்வைகளைக் கடந்த 'வாயாடி பெத்த புள்ள'
• 
  யு டியூப் தளத்தில் 'டாப் வியூஸ்' பெற்ற தமிழ் பாடல்கள் : ஒரு ரீவைண்ட்…!
• 
  23 நாளில் படப்பிடிப்பு... ரூ.25 லட்சத்தில் படம் : வியக்க வைக்கும் ...
• 
  ராஜா சாப் படத்தில் விக் வைத்து நடிக்கிறாரா பிரபாஸ்? : ரசிகர்களுக்கு ...
• 
  ராமாயணா முதல் பாகத்தில் யஷ் வருவது வெறும் 15 நிமிடங்கள் தான்