Dinamalar

‛பீஸ்ட்' படத்திற்கு குவைத்தில் தடை

நெல்சன் இயக்கத்தில் விஜய், பூஜா ஹெக்டே, செல்வராகவன், அபர்ணாதாஸ், யோகிபாபு உள்ளிட்ட பலர் நடிப்பில் உருவாகி உள்ள படம் ‛பீஸ்ட்'. அனிருத் இசையமைத்துள்ளார். ஏற்கனவே படத்திலிருந்து இரு பாடல்கள் வெளியாகி வரவேற்பை பெற்றன. சமீபத்தில் படத்தின் டிரைலர் வெளியாகி ரசிகர்களை கவர்ந்தது. அதேசமயம் ‛கூர்கா' படத்தின் காப்பி மற்றும் சில ஹாலிவுட் படங்களின் காப்பி என சர்ச்சையும் எழுந்தது.

மால் ஒன்றில் பயங்கரவாதிகள் புகுந்து மக்களை பிணைய கைதிகளாக பிடிக்கின்றனர். அவர்களை அந்த மாலில் உள்ள மாஜி ராணுவ வீரரான விஜய் எப்படி மீட்கிறார் என்பதே கதை என டிரைலரை பார்க்கும்போதே புரிந்து கொள்ள முடிகிறது.

இந்த படம் ஏப்ரல் 13ம் தேதி தமிழ், தெலுங்கு, ஹிந்தி உள்ளிட்ட மொழிகளில் பான் இந்திய படமாக உலகம் முழுக்க வெளியாக உள்ளது. இந்நிலையில் குவைத்தில் இந்த படத்திற்கு தடை விதிக்கப்பட்டுள்ளது. படத்தில் முஸ்லீம்களை பயங்கரவாதிகள் போன்று சித்தரித்து இருப்பதாலும், நிறைய வன்முறை காட்சிகள் இருப்பதாலும் அந்நாட்டில் பீஸ்ட் படத்திற்கு தடை விதிக்கப்பட்டுள்ளது. ஏற்கனவே இதே காரணத்தை காட்டி துல்கர் சல்மானின் குரூப், விஷ்ணு விஷாலின் எப்ஐஆர் படங்களுக்கும் அந்நாட்டில் தடை விதிக்கப்பட்டது குறிப்பிடத்தக்கது.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது