Dinamalar

வலிமை - பரபரப்பான வியாபாரம் ஆரம்பம்

போனி கபூர் தயாரிப்பில் வினோத் இயக்கத்தில் யுவன்ஷங்கர் ராஜா இசையமைப்பில் அஜித் நடிக்கும் படம் 'வலிமை'. 2022 பொங்கலுக்கு இப்படம் வெளியாக உள்ளது. இப்படத்தின் முதல் சிங்கிள், முதல் பார்வை வீடியோ ஆகியவை வெளிவந்து ரசிகர்களிடம் வரவேற்பைப் பெற்றுள்ளது. அடுத்து இரண்டாவது சிங்கிள் விரைவில் வெளியாகும் என்று எதிர்பார்க்கப்படுகிறது.

'வலிமை' படத்தின் தமிழக வினியோக உரிமையை கோபுரம் பிலிம்ஸ், ரோமியோ பிக்சர்ஸ் ஆகியவை இணைந்து வாங்கியுள்ளன. தற்போது ஏரியா வாரியாக படத்தை விற்கும் பேச்சுவார்த்தை ஆரம்பமாகியுள்ளது.

படம் வெளியாக இன்னும் ஒரு மாதத்திற்கும் மேல் உள்ள நிலையில் இப்போதே வியாபாரப் பேச்சுவார்த்தை ஆரம்பமாகியுள்ளது திரையுலகில் ஆச்சரியத்தை ஏற்படுத்தியுள்ளது. 'வலிமை' படத்துடன் பொங்கலுக்குப் போட்டியாக வேறு பெரிய படங்கள் வர வாய்ப்பில்லை என்பது தான் தற்போதைய நிலைமை. எனவே, படத்தை வாங்க பலரும் போட்டி போடுவதாகத் தகவல்.

அஜித் நடித்த 'நேர்கொண்ட பார்வை' படம் வெளிவந்து இரண்டு வருடங்களுக்கு மேலாகிவிட்டதால் 'வலிமை' படத்தைப் பார்க்க அஜித் ரசிகர்களும் ஆவலாக இருக்கிறார்கள்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்