Dinamalar

இயக்குனர் மீது நீதிமன்றத்தில் வழக்கு தொடர்ந்த காசி இயக்குனர்

தமிழில் நடிகர் விக்ரமுக்கு பெயர் வாங்கி தந்த காசி மற்றும் என் மன வானில், அற்புதத் தீவு உள்ளிட்ட படங்களை இயக்கியவர் பிரபல மலையாள இயக்குனர் வினயன். அதேபோல மலையாள திரையுலகில் மோகன்லாலின் ஆஸ்தான இயக்குனர்களின் ஒருவராக அறியப்படுபவர் இயக்குனர் பி உன்னிகிருஷ்ணன். இவர் தற்போது மலையாள திரைப்பட இயக்குனர்கள் சங்கத்தில் தலைமை பொறுப்பில் இருக்கிறார். சமீபத்தில் வெளியான ஹேமா கமிஷன் அறிக்கையில் மலையாளத் திரையுலகில் ஒரு சிலர் குழுவாக ஒன்று சேர்ந்து அதிகார மையமாக குறிப்பாக செயல்படுகின்றனர் என்று குறிப்பிடப்பட்டிருந்தது.

இதைத் தொடர்ந்து இயக்குனர் பி உன்னிகிருஷ்ணன் தனது சங்கத்தின் மூலமாக நடிகர்கள் மற்றும் இயக்குனர்கள் மீதும் மறைமுகமாக தனது அதிகாரத்தை செலுத்தி வருகிறார் என்று சில இடங்களில் குற்றச்சாட்டு எழுந்தது. அது மட்டுமல்ல 2023ல் கேரள அரசு திரைப்படத்துறையை வழி நடத்துவதற்காக உருவாக்கிய ஆலோசனை குழுவில் இயக்குனர் பி உன்னிகிருஷ்ணனையும் இணைத்துள்ளது.

இந்தநிலையில் இயக்குனர் வினயன், சினிமாவில் தான் படம் இயக்குவதற்கு தொடர்ந்து மறைமுக தடை விதிக்கும் செயல்களில் பி உன்னிகிருஷ்ணன் ஈடுபட்டு வருகிறார் என்றும் மலையாள சினிமாவில் அதிகார வர்க்கமாக செயல்படும் இயக்குனர் பி உன்னிகிருஷ்ணனை இந்த குழுவில் சேர்த்தது ஏன், இது தவறான முன்னுதாரணம் என்று கூறி நீதிமன்றத்தில் வழக்கு தொடர்ந்து உள்ளார்.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...