Dinamalar

ஜோக்கிற்கு கூட இப்படி கேள்வி கேட்காதீர்கள் : டென்ஷனான சந்தீப் கிஷன்

தமிழில் மாநகரம் படத்தின் மூலம் ரசிகர்களிடம் நல்ல அறிமுகம் பெற்றவர் நடிகர் சந்தீப் கிஷன். தொடர்ந்து தமிழில் செலக்ட்டிவான படங்களில் நடித்து வந்தாலும் தெலுங்கில் அதிக அளவில் படங்களில் நடித்து வருகிறார். சமீபத்தில் இவரது நடிப்பில் 'ஊரு பேரு பைரவகோனா' என்கிற படம் வெளியானது. படமும் ஓரளவு வரவேற்பையும், நல்ல விமர்சனங்களையும் பெற்று வருகிறது. இதன் பிரமோஷன் நிகழ்ச்சிகளில் ஒரு பகுதியாக சமீபத்தில் தெலுங்கு மீம்ஸ் கிரியேட்டர்களை சந்திக்கும் விதமாக படக்குழுவினர் மீம்ஸ் மீட் ஒன்றை நடத்தினர். இதில் கலந்துகொண்ட மீம்ஸ் கிரியேட்டர்கள் பல கேள்விகளை நகைச்சுவையாக கேட்க, அதற்கு நகைச்சுவையாகவே பதில் அளித்தார் சந்தீப் கிஷன்.

ஒரு மீம் கிரியேட்டர் மட்டும் படத்தின் கதாநாயகிகள் வர்ஷா பொல்லாம்மா மற்றும் காவ்யா தப்பார் ஆகியோருடன் சந்தீப் கிஷன் அந்த படத்தில் நடித்தது குறித்து இரட்டை அர்த்தம் தொனிக்கும் விதமாக ஒரு கேள்வியை கேட்டார். அது சந்தீப் கிஷனை மட்டுமல்ல அருகில் இருந்த வர்ஷா பொல்லாம்மா மற்றும் படக்குழுவினரையும் சங்கடத்தில் நெளிய வைத்தது. இதைத் தொடர்ந்து அந்த மீம் கிரியேட்டரிடம் இதுபோன்ற கேள்விகளை ஜோக்கிற்காக கூட எப்போதும் கேட்கக் கூடாது என்று கடிந்து கொண்டார் சந்தீப் கிஷன். அவரது இந்த பதிலை நெட்டிசன்கள் பலரும் பாராட்டி வருகின்றனர். இது குறித்த வீடியோ ஒன்று தற்போது சோசியல் மீடியாவில் வைரலாகி வருகிறது.

• 
  விமர்சனங்களில் பின்னடைவைச் சந்திக்கும் 'வார் 2'
• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...

• 
  கூலியில் வீணடிக்கப்பட்ட பிரபல மலையாள வில்லன் நடிகர்
• 
  நடிகர் சங்கத் தேர்தலில் ஓட்டளிக்க வந்த நடிகர் கார் விபத்தில் சிக்கினார்
• 
  விவாகரத்து, கேன்சர் : இரண்டு வருட போராட்டத்தில் மம்முட்டியின் கதாநாயகி
• 
  மகேஷ்பாபு உறவு நடிகையின் கார் மீது பஸ் மோதல் : அதிர்ஷ்டவசமாக காயமின்றி ...
• 
  பிளாஷ்பேக் : நிஜமான தூக்குக் கயிற்றை மோகன்லால் கழுத்தில் மாட்டிய ...