தவறுதலாக ரவிதேஜா படத்தை மாற்றி திரையிட்ட தியேட்டர் : ரசிகர்கள் ரகளை

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

தவறுதலாக ரவிதேஜா படத்தை மாற்றி திரையிட்ட தியேட்டர் : ரசிகர்கள் ரகளை

23 மார், 2023 - 11:09 IST

எழுத்தின் அளவு:

தெலுங்கு திரை உலகில் வளர்ந்து வரும் இளம் நடிகரான விஸ்வக்சென் நடிப்பில் உருவாகியுள்ள படம் தாஸ் கா தம்கி. இந்த படத்தில் நிவேதா பெத்துராஜ் கதாநாயகியாக நடித்துள்ளார். யுகாதி பண்டிகையை முன்னிட்டு நேற்று இந்த படம் ரிலீஸாகி உள்ளது. இந்தநிலையில் நேற்று விசாகப்பட்டணத்தில் உள்ள சுகன்யா என்கிற தியேட்டரில் காலை காட்சி திரையிடப்பட்டபோது இந்த படத்திற்கு பதிலாக ரவிதேஜா நடிப்பில் கடந்த வருடம் வெளியான தமாக்கா என்கிற படம் திரையில் ஓட துவங்கியது. புதிய படத்தைக் காண ஆவலுடன் காத்திருந்த ரசிகர்கள் ரவிதேஜாவின் பழைய படம் திரையில் ஓட துவங்கியதும் கத்தி கூச்சலிட ஆரம்பித்தனர். உடனடியாக படம் நிறுத்தப்பட்டது.

தற்போது டிஜிட்டல் முறையில் படங்கள் தியேட்டர்களில் திரையிடப்படுவதால் கம்ப்யூட்டர் மானிட்டரில் தமாக்கா மற்றும் தாஸ் கா தம்கி ஆகிய படங்களின் ஆங்கில எழுத்துக்கள் சட்டென்று பார்ப்பதற்கு ஒரே மாதிரியாக தெரிந்ததால் ஆபரேட்டர் தவறுதலாக தமாக்கா படத்தை கிளிக் செய்து விட்டதாக பின்னர் தெரியவந்தது. இதனைத் தொடர்ந்து சிறிது நேரம் கழித்து மீண்டும் தாஸ்கா தம்கி திரைப்படம் திரையிடப்பட்டது.

Raviteja

Daskadhamaki

Dhamaki

கருத்துகள் (0) கருத்தைப் பதிவு செய்ய

சர்ச்சை கருத்து : கன்னட நடிகர் ...

நேர குளறுபடி ; விமான நிறுவனத்தை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய