Dinamalar

பெண் குழந்தைக்கு தந்தையானார் மின்னல் முரளி இயக்குனர்

மலையாள திரையுலகில் இளம் வயதிலேயே டைரக்சன், நடிப்பு என வெற்றிகரமாக இரட்டைக் குதிரை சவாரி செய்து வருபவர் இயக்குனர் பசில் ஜோசப். குஞ்சிராமாயணம், கோதா என கவனிக்கத்தக்க படங்களை கொடுத்த இவர், கடந்த இரண்டு ஆண்டுகளுக்கு முன்பு மலையாளத்தில் முதன்முறையாக சூப்பர்மேன் கதை அம்சம் கொண்ட மின்னல் முரளி என்கிற படத்தை இயக்கி பாலிவுட் வரை பலரையும் ஆச்சரியப்பட வைத்தார்.

அது மட்டுமல்ல கடந்த சில மாதங்களுக்கு முன்பு குடும்ப கதையம்சத்துடன் வெளியான ஜெய ஜெய ஜெய ஹே என்கிற படத்தில் ஆணாதிக்கம் கொண்ட கணவன் கதாபாத்திரத்தில் எதிர்மறை கதாநாயகனாக நடித்து ரசிகர்களின் பாராட்டைப் பெற்றார். இந்த படம் 50 கோடிக்கு மேல் வசூலித்துள்ளது.

இந்த நிலையில் தற்போது அழகான பெண் குழந்தைக்கு தந்தையாகியுள்ளார் பசில் ஜோசப். மருத்துவமனையில் இருந்து தனது மனைவி மற்றும் குழந்தையுடன் எடுத்துக்கொண்ட புகைப்படம் ஒன்றை வெளியிட்டு இந்த தகவலை ரசிகர்களுக்கு தெரியப்படுத்தியுள்ளார் பசில் ஜோசப்

கடந்த 2017ல் தனது நீண்ட நாள் காதலியான எலிசபெத் என்பவரை திருமணம் செய்தார் பசில் ஜோசப். ஆறு வருடங்கள் கழித்து தங்களது வாழ்க்கையில் ஒரு வசந்தமாக இந்த பெண் குழந்தை பிறந்துள்ளது என்று தனது மகிழ்ச்சியை வெளிப்படுத்தியுள்ள பசில் ஜோசப், தனது மற்றும் தன்னுடைய மனைவியின் பெயர் இரண்டையும் சேர்த்து, தனது மகளுக்கு ஹோப் எலிசபெத் பசில் என்கிற பெயரையும் உடனடியாக சூட்டி விட்டார்.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  பிரசாந்த் நீல், ஜூனியர் என்டிஆர் படத்தில் இணைந்த டொவினோ தாமஸ்
• 
  வில்லன் நடிகரின் வீண் பிடிவாதத்தால் மோகன்லால் ராஜினாமா செய்தார் : மாலா ...
• 
  மஞ்சும்மேல் பாய்ஸ் தயாரிப்பாளரின் முன்ஜாமின் மனுவை தள்ளுபடி செய்ய உச்ச ...
• 
  தயாரிப்பாளர் சங்கத்திலும் தலைவர் பதவிக்கு நடிகை போட்டி : பர்தா அணிந்து ...
• 
  மஞ்சு வாரியரா? காவ்யா மாதவனா? : பெண் நடுவரை சிக்கலில் மாட்டிவிட்ட நடிகர்