Dinamalar

தெலுங்கில் விக்ரமை ஓவர்டேக் செய்த காந்தாரா

கடந்த இரண்டு வாரங்களுக்கு முன் கன்னடத்தில் வெளியான காந்தாரா திரைப்படம் மிகப்பெரிய வெற்றியைப் பெற்று மற்ற தென்னிந்திய மொழிகளிலும் இந்தியிலும் உடனடியாக டப்பிங் செய்யப்பட்டு வெளியானது. அப்படி வெளியிட்ட இடங்களிலெல்லாம் வரவேற்பை பெற்றதுடன் வசூல் ரீதியாகவும் புது சாதனைகளை படைத்து வருகிறது. இதற்கு முன்னதாக கன்னடத்தில் வெளியான கேஜிஎப் படத்தின் இரண்டு பாகங்கள் கன்னட சினிமாவில் முதன்முதலாக பல சாதனைகளை படைத்தன. அது மட்டுமல்ல மற்ற மொழிகளிலும் பல சாதனைகளைப் படைத்த முதல் கன்னடப்படம் என்கிற பெருமையும் அதற்கு கிடைத்தது.

இந்தநிலையில் காந்தாரா திரைப்படமும் கேஜிஎப் படத்தை போல சில சாதனைகளை படைத்து வருகிறது. ஒரு சில இடங்களில் கே ஜி எப் படத்தின் சாதனைகளையும் முறியடித்து வருகிறது. அந்தவகையில் தெலுங்கில் டப்பிங் செய்யப்பட்டு வெளியான காந்தாரா திரைப்படம் சில நாட்களுக்கு முன்பு பொன்னியின் செல்வன் தெலுங்கில் பெற்ற வசூலை ஓவர்டேக் செய்திருந்தது. இந்த நிலையில் வெளியான 13 நாட்களில் தெலுங்கில் கமலின் விக்ரம் படம் வசூலித்த தொகையை தற்போது தாண்டியுள்ளது காந்தாரா. இப்போது வரை தெலுங்கில் 45 கோடி வசூல் செய்துள்ள காந்தாரா, இன்னும் சில நாட்களில் 50 கோடி இலக்கை எட்டும் என எதிர்பார்க்கப்படுகிறது.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  ஓமர் ஷெரீப்பை மம்முட்டியாக மாற்றிய நண்பனை முதன் முறையாக மேடையேற்றிய ...
• 
  மகேஷ்பாபு, ரவீனா டான்டன் குடும்ப வாரிசுகள் இணையும் படத்திற்கு டைட்டில் ...
• 
  இப்போதைக்கு லோகா.. அடுத்து இன்னொரு படம் வரும் : பிரித்விராஜ் ஆருடம்
• 
  திரிஷ்யம் 3 மலையாளத்தில் தான் முதலில் வெளியாகும் : ஜீத்து ஜோசப் ...
• 
  மலையாள சினிமாவில் முதன்முறையாக ஞாயிற்றுக்கிழமை வெளியாகும் படம்