Dinamalar

அது என்னுடைய கார் அல்ல ; ஷாஜி கைலாஷ் விளக்கம்

மலையாள திரையுலகில் பிரபல ஆக்சன் பட இயக்குனராக வலம் வருபவர் ஷாஜி கைலாஷ். தமிழில் வாஞ்சிநாதன், ஜனா, எல்லாம் அவன் செயல் உள்ளிட்ட சில படங்களை இயக்கியுள்ளார். சமீபத்தில் பிரித்விராஜ் நடிப்பில் இவரது இயக்கத்தில் வெளியான கடுவா திரைப்படம் மிகப்பெரிய வெற்றி பெற்று, தற்போதும் திரையரங்குகளில் ஓடிக்கொண்டிருக்கிறது. இதை தொடர்ந்து மீண்டும் பிரித்விராஜை வைத்து காப்பா என்கிற படத்தை இயக்கி வருகிறார் ஷாஜி கைலாஷ்.

இந்த நிலையில் கடுவா படத்தின் வெற்றியை தொடர்ந்து கிட்டத்தட்ட 60 லட்சம் ரூபாய் மதிப்புள்ள வால்வோ கார் ஒன்றை ஷாஜி கைலாஷ் வாங்கி உள்ளார் என்கிற தகவல் வெளியானது. கார் நிறுவனத்திடம் இருந்து ஷாஜி கைலாஷ் சாவியை பெற்றுக் கொள்வது போன்ற புகைப்படங்களும் வெளியாகி அதை உறுதி செய்தன. ஆனால் அந்தக் கார் என்னுடையது அல்ல என்று விளக்கம் அளித்துள்ளார் ஷாஜி கைலாஷ்.

இதுகுறித்து அவர் கூறும்போது, “தற்போது நான் பிரித்விராஜை வைத்து இயக்கிவரும் காப்பா படத்தின் தயாரிப்பாளரும் எனது நண்பருமான டால்பின் குரியாகோஸ் என்பவர்தான் அந்த காரை புதிதாக வாங்கியுள்ளார். அப்படி வாங்கும்போது சென்டிமெண்டாக என் கையால் சாவியை பெற்றுத்தருமாறு என்னிடம் கேட்டுக்கொண்டார். இந்தப் புகைப்படங்கள் தான் சோசியல் மீடியாவில் வெளியாகி, நானே இந்த காரை வாங்கியது போன்று செய்திகள் பரவி விட்டன” என்று கூறியுள்ளார்.

• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!
• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...

• 
  தொடரும் வில்லத்தனம் : வெளியான மம்முட்டியின் கலம்காவல் இரண்டாவது லுக்
• 
  மோகன்லாலுக்கு பரிசாக கால்பந்து வீரர் மெஸ்ஸி கையெழுத்திட்டு அனுப்பிய ...
• 
  மலையாள வில்லன் நடிகர் மீதான போதை வழக்கில் போலீசாருக்கு புதிய சிக்கல்
• 
  கேரள அரசு விருதை கட்டி அணைத்தபடி தூங்கிய பிரேமலு நடிகர் : வைரலாகும் ...
• 
  நள்ளிரவில் போன் செய்து கஞ்சா கேட்டார் : மஞ்சும்மேல் பாய்ஸ் நடிகர் மீது ...