Dinamalar

முதல்பாதி நீளத்தை குறைக்க மறுத்துவிட்ட நானி பட இயக்குனர்

தெலுங்கில் கடந்த வெள்ளியன்று நானி, நஸ்ரியா நடிப்பில் அடடே சுந்தரானிக்கி என்கிற படம் வெளியானது. நீண்ட இடைவெளிக்குப் பிறகு நடிக்க வந்துள்ள நடிகை நஸ்ரியா முதன் முறையாக இந்த படத்தின் மூலம் தெலுங்கு திரையுலகில் அடியெடுத்து வைத்துள்ளார். இந்த படத்தை விவேக் ஆத்ரேயா இயக்கியுள்ளார். ரொமான்ஸ், காமெடி கலந்த காதல் கதையாக உருவாகியுள்ள இந்த படம் ரசிகர்களின் வரவேற்பை பெற்றுள்ளது. அதேசமயம் படம் பார்த்த பலரும் இந்த படத்தின் முதல் பாதி சற்று நீளமாக உள்ளது என்றும் சில காட்சிகளின் நீளத்தை குறைத்து இருக்கலாம் என்றும் சோசியல் மீடியாவில் கருத்து தெரிவித்து வந்தார்கள்.

ஆனால் சமீபத்தில் இந்த படத்தின் வெற்றியை படக்குழுவினருடன் கேக் வெட்டி கொண்டாடிய இயக்குனர் விவேக் ஆத்ரேயா கூறும்போது, “முதல் பாதி நீளமாக இருக்கிறது என்றும் இரண்டாவது பாதி விறுவிறுப்பாக நகர்கிறது என்றும் பலரும் என்னிடம் கூறினார்கள்.. முதல் பாகத்தின் சில காட்சிகளை வெட்டி விடுமாறு ஆலோசனையும் தந்தார்கள்.. இரண்டாம் பாதியை விறுவிறுப்பாக எடுக்கத் தெரிந்த எனக்கு, முதல் பாதியை அப்படி எடுக்க தெரிந்திருக்காதா ? ஆனால் அந்த படத்தில் இரண்டாம் பகுதியில் உள்ள காட்சிகளுடன் இணைக்கும் முக்கிய காட்சிகள் முதல் பாகத்தில் இருக்கின்றன. குறிப்பாக குழந்தைப்பருவ காட்சிகள். அவற்றை வெட்டி விட்டால் படத்தின் ஜீவனே போய்விடும்.. அதை நான் செய்ய மாட்டேன்” என்று கூறியுள்ளார்

• 
  வசூல் கொட்டுது... : 10 நாளில் ரூ.552.70 கோடியை குவித்த ‛துரந்தர்'
• 
  நான் அழுதால் நீங்கள் சிரிப்பீர்கள் ; சல்மான்கான் வெளிப்படை பேச்சு
• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்

• 
  அரசு பேருந்தில் திரையிடப்பட்ட திலீப் திரைப்படம் ; பெண் பயணியின் ...
• 
  சென்சார் கெடுபிடி காட்டிய இளம் நடிகரின் பட ரிலீசுக்கு உயர்நீதிமன்றம் ...
• 
  'மனா சங்கரா வரபிரசாந்த் காரு' படத்தின் ரிலீஸ் தேதியை அறிவித்த படக்குழு!
• 
  பாதிக்கப்பட்ட நடிகைக்கு தான் ஆயுள் தண்டனை : நீதிமன்ற தீர்ப்பு குறித்து ...
• 
  தியேட்டரில் இயக்குனருக்கும் ரசிகர்களுக்கும் வாக்குவாதம் : ...