Dinamalar

149 நாட்கள் : வார் 2 படப்பிடிப்பை நிறைவு செய்த ஹிருத்திக் ரோஷன்

பாலிவுட்டில் அடுத்ததாக மிகப்பெரிய அளவில் எதிர்பார்க்கப்படும் படமாக உருவாகி வருகிறது வார் 2. கடந்த 2019ல் ஹிருத்திக் ரோஷன் நடிப்பில் வெளியான இந்த படத்தின் வெற்றியை தொடர்ந்து தற்போது அதன் இரண்டாம் பாகமாக இந்த வார் 2 தயாராகியுள்ளது. முதல் பாகத்தை சித்தார்த் ஆனந்த் இயக்கிய நிலையில், இந்த இரண்டாம் பாகத்தை அயன் முகர்ஜி இயக்கி வருகிறார். இதில் கியாரா அத்வானி கதாநாயகியாக நடிக்க, வில்லனாக நடிப்பதன் மூலம் முதன்முறையாக பாலிவுட்டில் அடி எடுத்து வைத்திருக்கிறார் ஜூனியர் என்டிஆர்.

இந்த படம் வரும் ஆகஸ்ட் 14ஆம் தேதி ரிலீஸ் ஆகும் என ஏற்கனவே அதிகாரப்பூர்வமாக அறிவிக்கப்பட்டு விட்டது. ராணுவ பின்னணியில் உருவாகி வரும் இந்த படத்தின் படப்பிடிப்பு நீண்ட நாட்களாக நடைபெற்று வந்த நிலையில் தற்போது ஹிருத்திக் ரோஷன் நடிக்கும் காட்சிகள் அனைத்தும் படமாக்கப்பட்டு நிறைவு பெற்றுள்ளது. இதனைத் தொடர்ந்து ஹிருத்திக் ரோஷனுக்கு விடை கொடுக்கும் விதமாக படக்குழுவினர் கேக் வெட்டி கொண்டாடியுள்ளனர்.

இது குறித்த தகவலை புகைப்படங்களுடன் தனது இன்ஸ்டாகிராம் பக்கத்தில் பகிர்ந்து கொண்டுள்ள ஹிருத்திக் ரோஷன் கூறும்போது, “149 நாட்கள்.. சேசிங், ஆக்ஷன், டான்ஸ், ரத்தம், ஸ்வீட், காயங்கள்.. ஆனால் இவை அனைத்துமே ரொம்பவே ஒர்த் ஆனவை. ஜூனியர் என்டிஆர் சார் இந்த படத்தில் எங்களுடன் இணைந்து பணியாற்றியது மிகப் பெருமையான விஷயம். கியாரா அத்வானியின் இன்னொரு கொடிய பக்கத்தை உலகம் பார்க்கப் போகிறது” என்று கூறியுள்ளார்.

• 
  கலைமாமணி விருது பெற்றனர் சாய் பல்லவி, அனிருத், விக்ரம் பிரபு
• 
  மீண்டும் தனுஷ் படத்திற்கு இசையமைக்கும் அனிருத்
• 
  டியூட் சமூகப் பிரச்னையை வெளிச்சம் போட்டு காட்டும் : சொல்கிறார் பிரதீப் ...
• 
  கமலுக்கு அடுத்து அழகான ஹீரோ ஹரிஷ் கல்யாண் தான் : சொல்கிறார் இயக்குனர் ...
• 
  ரஜினியின் வேட்டையன் வெளியாகி ஓராண்டு நிறைவு : இயக்குனர் ஞானவேல் ...

• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்