Dinamalar

ரவீந்திரநாத் தாகூராக நடிக்கும் அனுபம் கெர்

பாலிவுட்டின் முன்னணி நடிகர் அனுபம் கெர். பாலிவுட் சினிமாவில் அதிக படங்களில் நடித்தவர் என்ற பெருமை பெற்றவர். ஹீரோவாக சினிமா வாழ்க்கையை தொடங்கி வில்லன், குணசித்ரம், காமெடி என 500க்கும் மேற்பட்ட படங்களில் நடித்துள்ளார். தற்போது அவர் தனது 538வது படத்தில் ரவீந்திரநாத் தாகூராக நடிக்கிறார்.

இதுபற்றி தனது சமூக வலைத்தளத்தில் தான் ரவீந்திரநாத் தாகூர் தோற்றத்தில் இருக்கும் படத்தை வெளியிட்டு அனுபம் எழுதியிருப்பதாவது “எனது 538வது படத்தில் குருதேவ் ரவீந்திரநாத் தாகூராக நடிப்பதில் மகிழ்ச்சி. உரிய நேரத்தில் விவரங்களை வெளியிடுவேன். அவரை திரையில் கொண்டு வரும் வாய்ப்பு கிடைத்தது என் பாக்கியம். இந்தப் படம் குறித்த கூடுதல் விவரங்களை விரைவில் உங்களுடன் பகிர்வேன்” என்று தெரிவித்துள்ளார்.

ரவீந்திரநாத் தாகூர் குறித்து ஏராளமான டாக்குமென்டரி படங்கள், குறும்படங்கள் வெளிவந்துள்ளன. 1961ம் ஆண்டு முழுநீள திரைப்படம் வெளியானது. இதில் பெங்காலி நடிகர் ராயா சட்டர்ஜி தாகூராக நடித்தார். சத்யஜித் ரே இந்த படத்தை இயக்கி இருந்தார். இந்திய அரசின் பிலிம் டிவிசன் இந்த படத்தை தயாரித்திருந்தது. தற்போது அனுபம் கெர் நடிப்பில் புதிதாக தயாராகிறது. தாகூர் வேடத்தில் அனுபம் கெர் நடிக்க கூடாது என்று எதிர்ப்பும் கிளம்பி வருகிறது.

• 
  இட்லி கடை, காந்தாரா சாப்டர் 1 படங்களின் வசூல் நிலவரம் என்ன?
• 
  நயன்தாராவின் லேடி சூப்பர் ஸ்டார் பட்டத்தை கைப்பற்றிய ரச்சிதா ராம்
• 
  கந்தன் மலை படத்தின், கந்தன் மலையை தொட்டுப்பாரு பாடல் வெளியானது
• 
  'டியூட்' வினியோக நிறுவனம் மாறியது ?
• 
  ராஷ்மிகாவின் 'தி கேர்ள் பிரண்ட்' நவம்பர் 7 வெளியீடு

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு