பெரும் தோல்வியைத் தழுவிய சாம்ராட் பிருத்விராஜ்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

பெரும் தோல்வியைத் தழுவிய 'சாம்ராட் பிருத்விராஜ்'

09 ஜூன், 2022 - 11:47 IST

எழுத்தின் அளவு:

சந்திரபிரகாஷ் திவேதி இயக்கத்தில் அக்ஷய்குமார், மனுஷி சில்லர், சஞ்சய் தத், சோனு சூட் மற்றும் பலர் நடித்து கடந்த வாரம் வெளியான படம் 'சாம்ராட் பிருத்விராஜ்'. சுமார் 200 கோடி ரூபாய் செலவில் எடுக்கப்பட்ட சரித்திரப் படம் எதிர்பாராத பெரும் தோல்வியைத் தழுவியுள்ளது.

கடந்த ஐந்து நாட்களில் இப்படம் சுமார் 50 கோடி வசூலை மட்டுமே பெற்றுள்ளது. நேற்று வட இந்தியாவிலேயே பல தியேட்டர்களில் மக்கள் வராத காரணத்தால் காட்சிகள் ரத்து செய்யப்பட்டுள்ளன. அக்ஷய்குமார் நடித்து வெளிவந்த ஒரு படத்திற்கு ஒரு வாரத்திற்குள்ளாக இப்படி காட்சிகள் ரத்து செய்யப்படுவது பாலிவுட்டில் அதிர்ச்சியை ஏற்படுத்தியுள்ளது.

இங்கிருந்து பாலிவுட்டிற்குச் சென்று வெற்றி பெற்ற 'புஷ்பா, ஆர்ஆர்ஆர், கேஜிஎப் 2' ஆகிய படங்களின் தாக்கம் அங்கு அதிகமாக இருக்கிறது. இந்தப் படங்களைப் போல நேரடி ஹிந்திப் படங்களையும் அங்குள்ள ரசிகர்கள் எதிர்பார்க்கிறார்கள் என பாலிவுட்டில் தெரிவிக்கிறார்கள். தென்னிந்தியப் படங்களைப் போல ஆக்ஷன் காட்சிகள் பிரம்மாண்டமாகவும், அசத்தலாகவும் இருக்க வேண்டும் என பாலிவுட் ரசிகர்கள் விரும்புகிறார்கள் என மேலும் தெரிவிக்கிறார்கள். பாலிவுட் இயக்குனர்கள் தங்கள் ஸ்டைலை மாற்றிக் கொள்ள வேண்டிய காலம் வந்துவிட்டது என விமர்சகர்கள் கருத்து தெரிவிக்கிறார்கள்.

Samratprithviraj

Akshaykumar

கருத்துகள் (0) கருத்தைப் பதிவு செய்ய

இந்த ஆண்டுக்குள் வெற்றி முத்திரை ...

நான்கு கைகள், கால்களுடன் பிறந்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய