Dinamalar

தனுஷ்-செல்வராகவனின் நானே வருவேன் படப்பிடிப்பு எப்போது? புதிய தகவல்

2011ல் மயக்கம் என்ன படத்திற்கு பிறகு 10 ஆண்டுகள் கழித்து நானே வருவேன் படத்தில் செல்வராகவன்-தனுஷ் கூட்டணி இணைகிறது. ஆனால் இந்த படத்தின் படப்பிடிப்பு ஆகஸ்டு 20-ம் தேதி நடைபெறும் என்று ஏற்கனவே அறிவித்திருந்த செல்வராகவன், படப்பிடிப்பை தொடங்காததால் அப்படம் கைவிடப்பட்டது போன்று செய்திகள் பரவத் தொடங்கின.

அதற்கேற்ப அவரும் சாணிக்காயிதம் படத்தை அடுத்து விஜய்யின் பீஸ்ட் படத்தில் நடித்து வருவதால், இனிமேல் முழுநேர நடிகராக செல்வராகவன் உருவெடுத்து விடுவார் என்றும் செய்திகள் பரவின. இந்த நிலையில் தற்போது நானே வருவேன் படப்பிடிப்பு நவம்பரில் தொடங்க இருப்பாக தற்போது ஒரு புதிய தகவல் வெளியாகியுள்ளது.

மேலும், பீஸ்ட் படவாய்ப்பு வந்தினால்தான் நானே வருவேன் படப்பிடிப்பு தேதியை தள்ளி வைத்துள்ளார் செல்வராகவன். அதன்காரணமாகவே மாறன் படத்தில் நடித்து வந்த தனுஷ், நானே வருவேன் படத்திற்கு கொடுத்திருந்த கால்சீட்டை திருச்சிற்றம்பலம் படத்திற்கு மாற்றி கொடுத்துள்ளார்.

இந்நிலையில், அடுத்தபடியாக இந்த இரண்டு படங்களையும் முடித்துக் கொடுத்து விட்டு அதன்பிறகு சேகர் கம்முலா இயக்கும் பான்இந்தியா படத்தில் நடிக்கும் தனுஷ், அப்போது நானே வருவேன் படத்திற்கும் கால்சீட் கொடுத்து இரண்டு படங்களிலும் நடிக்க திட்டமிட்டுள்ளாராம்.

• இவரை பற்றி
• செய்திகள்
• ஆல்பம்