Dinamalar

கோலிவுட், டோலிவுட் - டுவிட்டரில் கடும் மோதல்

ஒரு காலத்தில் இந்திய சினிமா என்றாலே ஹிந்தி சினிமா தான் என்ற அடையாளம் இருந்தது. ஆனால், ஹிந்தி சினிமாவை விட தென்னிந்திய மொழிகளான தமிழ், தெலுங்கு, கன்னடம், மலையாளம் ஆகியவற்றில் கடந்த சில வருடங்களாக பல சிறந்த, பிரம்மாண்ட திரைப்படங்கள் இந்திய அளவில் தாக்கத்தை ஏற்படுத்தியுள்ளன.

இருப்பினும் தெலுங்குத் திரையுலகத்தில் ராஜமவுலி இயக்கத்தில் வெளிவந்த 'பாகுபலி, பாகுபலி 2' ஆகிய படங்கள் செய்த வசூல் சாதனையை மற்ற மொழிப் படங்கள் முறியடிக்க முடியவில்லை.

தமிழ்ப் படங்கள் தெலுங்கில் ரீமேக் ஆவதும், தெலுங்குப் படங்கள் தமிழில் ரீமேக் ஆவதும் காலம் காலமாக நடந்து வருகிறது. தனுஷ் நடித்த 'அசுரன்' படத்தின் தெலுங்கு ரீமேக்கான 'நரப்பா' நேற்று ஓடிடி தளத்தில் வெளியானது. அசுரனை விட நரப்பா சிறப்பாக நடித்தாரா இல்லையா என்ற ஒப்பீடுடன் இன்று டுவிட்டரில் ஒரு விவாதம் ஆரம்பமாகி அது கடைசியில் 'டோலிவுட் Vs கோலிவுட்' சண்டையில் போய்க் கொண்டிருக்கிறது.

#KWoodDominatingIndia, #TwoodDominatingSouth, #TwoodDominatingIndianCinema ஆகிய ஹேஷ்டேக்குகளுடன் சண்டை காரசாரமாக போய்க் கொண்டிருக்கிறது.

ஒரு பக்கம் கமல்ஹாசன், ஏ.ஆர்.ரகுமான், ரஜினிகாந்த், தனுஷ் ஆகியோர் தமிழ் சினிமாவை உலக அளவில் புகழடைய வைத்துள்ளார்கள் என்று தமிழ் ரசிகர்களும், பிரபாஸ், ராஜமவுலி ஆகியோர் தெலுங்கு சினிமாவை இந்திய அளவில் புகழடைய வைத்துள்ளார் என்றும், இன்னும் மற்ற நடிகர்கள், இயக்குனர்கள் ஆகியோரை தனித் தனியே குறிப்பிட்டு நீண்டு கொண்டிருக்கிறது இந்த மோதல்.

• 
  சுவர் ஏறி குதித்து குழந்தையை காப்பாற்றிய திஷா பதானியின் தங்கை : குவியும் ...
• 
  18வது திருமண நாளில் 'பேமிலி' புகைப்படத்தைப் பகிர்ந்த ஐஸ்வர்யா ராய்
• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!

• 
  கார்த்திக் சுப்பராஜ், சிவகார்த்திகேயன் புதிய கூட்டணி
• 
  தமன்னாவை ஏமாற்றிய ஒடேலா- 2!
• 
  சமூக வலைதளங்களில் இருந்து மீண்டும் பிரேக் எடுத்த லோகேஷ் கனகராஜ்
• 
  மனைவிகிட்ட சண்டை போட்டுக்கிட்டே இருந்தா வெளியில போய் ஜெயிக்க முடியாது! ...
• 
  டி.ராஜேந்தரின் பாடலை தழுவி உருவாக்கப்பட்ட சூர்யாவின் ரெட்ரோ பட பாடல்!