Dinamalar

இயக்குனர் ஷங்கர் மகள் திருமணம் : முதல்வர் நேரில் வாழ்த்து

இந்திய சினிமாவின் பிரம்மாண்ட இயக்குனர்களில் ஷங்கரும் ஒருவர். இவருக்கு ஐஸ்வர்யா, அதிதி என்ற மகளும், ஒரு மகனும் உள்ளனர். மூத்த மகள் ஐஸ்வர்யா டாக்டராக உள்ளார். தொழிலதிபரும், கிரிக்கெட் அணியின் உரிமையாளர் தாமோதரனின் மகனுமான கிரிக்கெட் வீரர் ரோஹித் தாமோதரனுக்கும், இவருக்கும் சில மாதங்களுக்கு முன் திருமணம் நிச்சயம் ஆனது. இவர்களது திருமணம் பொள்ளாச்சியில் நடப்பதாக செய்திகள் வெளியாகின.

இந்நிலையில் ஐஸ்வர்யா ஷங்கர் - ரோஹித் தாமோதரன் திருமணம் இன்று (ஜூன் 27) காலை கிழக்கு கடற்கரை சாலையில் உள்ள வெல்கம் ஹோட்டலில் இனிதே நடைபெற்றது. கொரோனா பாதுகாப்பு கருதி மணமகன், மணமகளின் பெற்றோர் மற்றும் மிக முக்கிய சொந்தங்கள் மட்டுமே கலந்து கொண்டு நடைபெற்ற இத்திருமணத்தில் காலை 11.15க்கு ஐஸ்வர்யா கழுத்தில் திருமாங்கல்யம் அணிவித்தார் ரோஹித்.

தமிழக முதல்வர் ஸ்டாலின் நேரில் சென்று மணமக்களை வாழ்த்தினார். அவருடன் சுகாதாரத்துறை அமைச்சர் சுப்பிரமணியன், நடிகரும், எம்.எல்.ஏ.,வுமான உதயநிதி ஆகியோரும் மணமக்களை நேரில் வாழ்த்தினர்.

கொரோனா பெருந்தொற்று குறைந்து இயல்பு நிலை திரும்பியவுடன் முக்கிய பிரமுகர்கள், திரையுலகத்தினர் மற்றும் உறவினர்கள், நண்பர்கள் என அனைவரையும் அழைத்து சிறப்பான முறையில் திருமண வரவேற்பு நிகழ்ச்சி நடத்த திட்டமிடப்பட்டுள்ளது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு