Dinamalar

விக்ரம் எடுக்கப் போகும் ரிஸ்க் ?

தமிழ் சினிமாவின் முன்னணி நடிகர்களில் ஒருவரான விக்ரம் நடித்து கடைசியாக 2019ம் ஆண்டு 'கடாரம் கொண்டான்' படம் வெளிவந்தது. கமல்ஹாசன் தயாரித்த அப்படம் பெரிய வெற்றியைப் பெறவில்லை. விக்ரம் தற்போது அஜய் ஞானமுத்து இயக்கத்தில் 'கோப்ரா', கார்த்திக் சுப்பராஜ் இயக்கத்தில் இன்னும் பெயரிடப்படாத தனது 60வது படம் ஆகியவற்றில் நடித்து வருகிறார்.

'கோப்ரா' படத்தில் சில வித்தியாசமான தோற்றங்களில் விக்ரம் நடிக்கிறார் என்பது அப்படத்தின் டீசரிலேயே தெரிந்தது. ஜனவரி மாதம் வெளியான டீசருக்கு ரசிகர்களிடம் நல்ல வரவேற்பைப் பெற்று இதுவரை 18 மில்லியன் பார்வைகளைப் பெற்றுள்ளது.

இப்படம்தான் விக்ரம் நடித்து அடுத்து வெளிவர உள்ள படம் என அவரது ரசிகர்கள் ஆவலுடன் காத்திருந்தனர். ஆனால், இப்படத்திற்கு முன்பாக கார்த்திக் சுப்பராஜ் இயக்கத்தில் நடிக்கும் படத்தை முதலில் முடித்துவிட விக்ரம் எண்ணுகிறாராம். இப்படத்தில் அவருடன் மகன் துருவ் விக்ரமும் நடிக்கிறார்.

கார்த்திக் சுப்பராஜ் இயக்கத்தில் சமீபத்தில் வெளிவந்த 'ஜகமே தந்திரம்' படம் அதிக விமர்சனத்துக்குள்ளானது. அப்படியிருக்கையில் விக்ரம் இப்படி ஒரு ரிஸ்க்கை தேவையின்றி எடுக்கிறாரோ என கோலிவுட்டிலும் பேசிக் கொள்கிறார்களாம்.

'கோப்ரா' படம் அடுத்து வருவது தான் விக்ரமிற்கும் சிறப்பானதாக இருக்கும் என்கிறார்கள். ஆனால், எஞ்சியிருக்கும் படப்பிடிப்பை முடித்து, கிராபிக்ஸ் காட்சிகளையும் முடிக்க இன்னும் காலதாமதம் ஆகுமாம். எனவேதான் விக்ரம் இப்படி ஒரு ரிஸ்க் எடுக்கிறார் என்கிறார்கள்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்
• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்