Dinamalar

தமிழ், தெலுங்கில் தயாராகும் கபடி வீரர் கதை

1980களில் இந்தியாவுக்காக விளையாடிய கபடி வீரரின் உண்மைக் கதையை உணர்ச்சிப்பூர்வமாக சொல்லும் திரைப்படமான 'அர்ஜுன் சக்ரவர்த்தி' வேகமாக வளர்ந்து வருகிறது. ஒளிப்பதிவாளர் வேணு கே சியின் இயக்கத்தில் உருவாகும் இப்படத்தை கன்னெட் செல்லுலாய்டு நிறுவனத்திற்காக ஸ்ரீனி குப்பலா தயாரிக்கிறார்.

புதுமுகங்களான விஜய ராம ராஜூ மற்றும் சிஜா ரோஸ் நடிக்கும் இந்தப் படத்தில், அஜய், தயானந்த் ரெட்டி, அஜய் கோஷ் மற்றும் துர்கேஷ் உள்பட பலர் நடிக்கின்றனர். விக்னேஷ் பாஸ்கரன் இசை அமைக்கிறார், ஜெகதீஷ் சீகட்டி ஒளிப்பதிவு செய்கிறார். கடந்த 2 வருடங்களாக தயாரிப்பில் உள்ள இந்தப் படம் தெலங்கானா, ஆந்திரப் பிரதேசம், காஷ்மீர் உள்ளிட்ட நாடு முழுவதுமுள்ள 125 இடங்களில் படப்பிடிப்பு நடைபெற்றுள்ளது.

படம் பற்றி இயக்குனர் வேணு கே.சி.கூறியதாவது: அர்ஜூன் சக்ரவர்த்தியின் குழந்தைப் பருவம் முதல் நடுத்தர வயது வரையிலான தோற்றத்தை சரியாக வெளிப்படுத்துவதற்காக பல்வேறு உருவ மாற்றங்களுக்கு கதாநாயகன் தன்னை உட்படுத்திக் கொண்டிருக்கிறார்.

கதை நடக்கும் காலத்தை மிகச்சரியாக பிரதிபலிக்க வேண்டும் என்பதற்காக 1960 மற்றும் 1980களில் இருந்த கிராமங்கள் மற்றும் ஹைதராபாத் நகரம் ஆகியவை கலை இயக்குநர் சுமித் படேல் தலைமையிலான குழுவால் பெரும் பொருட்செலவில் உருவாக்கப்பட்டுள்ளன. இதற்கான ஆராய்ச்சி மற்றும் பணிகளுக்காக மட்டுமே இரண்டு ஆண்டுகள் செலவிடப்பட்டுள்ளன.

தெலுங்கு மற்றும் தமிழில் உருவாகி வரும் அர்ஜுன் சக்ரவர்த்தியை இந்தி, மலையாளம், கன்னடம் ஆகிய மொழிகளில் டப் செய்து இந்தியா முழுவதும் வெளியிட திட்டமிடப்பட்டுள்ளது. என்றார்.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  கிரிக்கெட் வீரருடன் டேட்டிங் செய்யும் மிருணாள் தாக்கூர்!
• 
  'அட்டகாசம், அஞ்சான்' ரீ ரிலீஸ்: வசூல் நிலவரம் என்ன?
• 
  மீண்டும் இயக்குனராக களமிறங்கும் சமுத்திரக்கனி!
• 
  சுந்தர். சி, விஷால் படத்தின் புதிய அப்டேட்!
• 
  தனுஷுக்கு வசூலில் புதிய மைல்கல் ஆக அமையும் 'தேரே இஸ்க் மே'