Dinamalar

விஜய்-65வது படத்திலும் வில்லனாகும் பிரபல ஹீரோ

விஜய்யின் மாஸ்டர் படத்தில் விஜயசேதுபதி வில்லனாக நடித்தார். அந்த வகையில் விஜய்க்கு மட்டுமின்றி விஜயசேதுபதியின் நடிப்புக்கும் தியேட்டர்களில் பலத்த கைதட்டல் கிடைத்து வருகிறது. விஜயசேதுபதியும் பிரபலமான நடிகர் என்பதால் அவருக்கும் விஜய்க்கு இணையான காட்சிகளை கொடுத்து படமாக்கியிருந்தார் லோகேஷ் கனகராஜ்.

இந்த நிலையில், அடுத்தபடியாக கோலமாவு கோகிலா படத்தை இயக்கிய நெல்சன் இயக்கும் படத்தில் நடிக்கப்போகிறார் விஜய். அடுத்த மாதம் இப்படத்தின் படப்பிடிப்பு தொடங்கும் நிலையில், இப்படத்தில் விஜய்யுடன் மோதப்போகும் வில்லன் குறித்த ஒரு தகவல் தற்போது கசிந்துள்ளது.

அதாவது, அஜீத்தின் என்னை அறிந்தால் படத்தில் வில்லனாக நடித்த அதே அருண்விஜய்யே விஜய்-65ஆவது படத்திலும் வில்லனாக நடிக்க இருப்பதாக தெரிய வந்துள்ளது. விரைவில் இதுகுறித்த தகவல் வெளியாகும். அதோடு, மாஸ்டர் படத்தைத் தொடர்ந்து இந்த படத்திற்கும் அனிருத்தே இசையமைக்கிறார் என்பதும் உறுதியாகியுள்ளது.

• செய்திகள்
• ஆல்பம்