புரமோஷனுக்காக டிரைவராக மாறிய இசையமைப்பாளர் தமன்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

24 செப், 2025 - 05:08 IST

எழுத்தின் அளவு:

தெலுங்கு திரை உலகில் முன்னணி இசையமைப்பாளராக வலம் வருபவர் தமன். தொடர்ந்து முன்னணி நடிகர்களின் படங்களுக்கு இசையமைத்து வரும் இவர், விரைவில் வெளியாக இருக்கும் தெலுசு கத என்கிற படத்திற்கு இசையமைத்து வருகிறார். இதில் கதாநாயகனாக சித்து ஜொன்னலகட்டா, கதாநாயகியாக ஸ்ரீநிதி ஷெட்டி மற்றும் ராஷி கண்ணா ஆகியோர் நடித்துள்ளனர். வரும் அக்.,17ஆம் தேதி இந்த படம் வெளியாக இருக்கிறது.

இந்த படத்தின் பாடல்கள் அடுத்தடுத்து யு-டியூபில் வெளியிடப்பட்டு வருகின்றன. சமீபத்தில் சொகசு சுத்ததரமா என்கிற பாடல் வெளியாகி உள்ளது. நாயகன் நாயகி சம்பந்தப்பட்ட காட்சிகளுடன் இசையமைப்பாளர் தமன், இந்த பாடலை பாடியுள்ள பின்னணி பாடகர் கார்த்திக் இருவரும் இணைந்து நடிக்கும் விதமாக சில புரமோஷன் காட்சிகளையும் இந்த பாடலில் இணைத்துள்ளார்கள்.

அதில் ஒரு காட்சியில் பேருந்து ஒன்றை தமன் ஓட்டி செல்வது போலவும், பாடகர் கார்த்திக் கண்டக்டராக டிக்கெட் கொடுப்பது போலவும் காட்சிகள் இடம் பெற்றுள்ளன. ஏற்கனவே நடிப்பு ஆர்வம் மிக்க தமன் தனது படத்தின் பாடல்கள் வெளியாகும் போதெல்லாம் ஏதோ ஒரு விதத்தில் தனது நடிப்பு மூலமாக ஒரு பங்களிப்பையும் தொடர்ந்து செய்து வருகிறார் என்பது குறிப்பிடத்தக்கது.

Thaman

தமன்

கருத்துகள் (0) கருத்தைப் பதிவு செய்ய

ரசிகையை அவமதித்தேனா? : நடிகர் ஷேன் ...

ஸ்வேதா மேனன் மீது நடவடிக்கை எடுக்க ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய