Dinamalar

பிளாஷ்பேக்: சத்யராஜை ஹீரோவாக்கிய 'சாவி'

சிவகுமார் போன்று பெரிய நடிகராக வேண்டும் என்று கொங்கு மண்டலத்தில் இருந்து வந்தவர் சத்யராஜ். சிவகுமாரின் உறவினரும்கூட. ஆரம்பத்தில் சிவகுமாரின் சிபாரிசில் சின்ன சின்ன வேடங்களில் நடித்து வந்த சத்யராஜ், பின்னர் வில்லன் வேடங்களில் தனி முத்திரை பதித்து தனக்கென ஒரு இடத்தை பிடித்தார்.

வில்லனாகவே நடித்து வந்த அவரை ஹீரோவாக்கிய படம் 'சாவி'. கார்த்திக் ரகுநாத் என்பவர் இயக்கிய இந்த படம் 'டயல் ய மர்டர்' என்ற அமெரிக்க படத்தின் தழுவல். இந்த கிரைம் திரில்லர் படத்தில் சத்யராஜுடன் சரிதா, ஜெய்சங்கர், நிழல்கள் ரவி, கவுண்டமணி, அனுராதா, டிஸ்கோ சாந்தி உள்ளிட்ட பலர் நடித்திருந்தார்கள், கங்கை அமரன் இசை அமைத்திருந்தார்.

முன்னாள் டென்னிஸ் வீரரான சத்யராஜ், சமூக ஆர்வலரும், பணக்கார பெண்ணுமான சரிதாவை காதலித்து திருமணம் செய்கிறார். ஆனால் சரிதா சகஜமாக எல்லா ஆண்களுடன் பழகுகிறவர் என்பதால் அவர்களில் யாராவது ஒருவர் மீது சரிதாவுக்கு காதல் வந்து விட்டால் என்ன ஆகும் என சந்தேகம் கொள்ளும் சத்யராஜ், சரிதாவுடன் நெருங்கி பழகும் ஆண்களை பழி வாங்குவது மாதிரியான கதை. படம் ஓரளவிற்கான வரவேற்பை பெற்றது. சத்யராஜின் நடிப்பு பேசப்பட்டது. அதன்பிறகு தொடர்ச்சியாக ஹீரோவாக நடிக்கத் தொடங்கினார்.

• செய்திகள்
• வந்த படங்கள்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...