நடிப்பில் ஆர்வம் காண்பிக்கும் மிஷ்கின்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

நடிப்பில் ஆர்வம் காண்பிக்கும் மிஷ்கின்

04 செப், 2025 - 11:09 IST

எழுத்தின் அளவு:

மிஷ்கின் இயக்கத்தில் ‛பிசாசு 2, ட்ரெயின்' படங்கள் தயாராக இருக்கிறது. இப்போது நடிப்பிலும் பிஸியாகிக்கொண்டு இருக்கிறார் மிஷ்கின். ‛நந்தலாலா, ஓநாயும் ஆட்டுக்குட்டியும், சவரக்கத்தி' போன்ற படங்களில் அவர் கதைநாயகனாக அல்லது அதற்கு இணையான வேடத்தில் நடித்து இருக்கிறார். பின்னர் பல படங்களிலும் குணசித்திர, வில்லன் ரோலில் நடித்து இருக்கிறார். குறிப்பாக, சிவகார்த்திகேயனின் ‛மாவீரன்', பிரதீப் ரங்கநாதன் ‛டிராகன்' படங்களின் வெற்றி, அதில் நடித்த மிஷ்கினுக்கு நிறைய பட வாய்ப்புகளை தேடி வருகிறது.

‛வணங்கான்' படத்தில் அவர் நடித்த நீதிபதி கேரக்டர் விமர்சன ரீதியாக பாராட்டப்பட்டது. ‛ஓஹோ எந்தன் பேபி' படத்தில் அவர் மிஷ்கினாகவே வந்தார். அந்தகாட்சியும் பேசப்பட்டது. இப்போதெல்லாம் பல இயக்குனர்கள் மிஷ்கினிடம் கதை சொல்லி, கால்ஷீட் வாங்க காத்திருக்கிறார்கள். ஆனாலும், பணிசுமை, தனது பட பணிகள் காரணமாக பல படங்களுக்கு அவர் நோ சொல்கிறாராம். ‛தலைவன் தலைவி' படத்தில் நித்யாமேனன் அப்பாவாக முதலில் நடிக்க இருந்தவர் மிஷ்கின் தானாம். ஆனால், ட்ரெயின் பட வேலைகள் காரணமாக அதில் அவர் நடிக்கவில்லை.

ட்ரெயின் பட வேலைகள் குறைந்துவிட்டதால், இப்போது நடிப்பில் ஆர்வம் காண்பிக்கிறார். சமீபத்தில் கூட கீர்த்தி சுரேஷ் படத்தில் நடிக்க கமிட்டாகி உள்ளார். பெரிய ஹீரோ, சின்ன படம் என்று பார்ப்பதில்லை. தனக்கு பிடித்து இருந்தால் பந்தா இல்லாமல் நடிக்க ஓகே சொல்கிறாராம் மிஷ்கின். ஆனால், அவருக்கு அதிகம் கோபம் வரும் என்பதால் இயக்குனர்கள்தான் படப்பிடிப்பில் பயப்படுகிறார்களாம்.

Mysskin

Pisasu2

Train

மிஸ்கின்

பிசாசு 2

ட்ரெயின்

டிரைன்

கருத்துகள் (0) கருத்தைப் பதிவு செய்ய

குருநாதர் பாக்யராஜ் சொன்ன அட்வைஸ்: ...

மதராஸியை நம்பியிருக்கும் முருகதாஸ்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய