Dinamalar

மலையாளத்தில் சாண்டி நடிகராக அறிமுகமாகும் முதல் படம் ஆக.,28ல் ரிலீஸ்

தமிழ் திரையுலகில் நடனக்குழுவில் ஒருவராக இடம் பெற்று, தற்போது ரஜினி, விஜய் என முன்னணி நட்சத்திரங்களை ஆட்டுவிக்கும் அளவுக்கு ரொம்ப பிசியான நடன இயக்குனராக வலம் வருபவர் சாண்டி மாஸ்டர். இன்னொரு பக்கம் சாண்டி சில படங்களில் ஒரு நடிகராகவும் நடித்து வருகிறார். ‛லியோ' படத்தில் சிறிய வில்லனாக நடித்த இவர், அதன் பிறகு ‛ஹாட்ஸ்பாட், நிறம் மாறும் உலகில்' உள்ளிட்ட படங்களில் நடித்துள்ளார். இது தவிர தற்போது மலையாள படங்களிலும் நடித்து வருகிறார் சாண்டி. அந்த வகையில் திலீப் நடிப்பில் உருவாகி வரும் ‛பா பா பா' மற்றும் கல்யாணி பிரியதர்ஷன் கதையின் நாயகியாக நடித்துள்ள ‛லோகா சாப்டர் 1 ; சந்திரா' ஆகிய படங்களில் நடித்துள்ளார்.

இதில் லோகா சாப்டர் 1 ; சந்திரா படம் வரும் ஆகஸ்ட் 28ம் தேதி வெளியாகிறது.. சூப்பர் உமன் கதை அம்சம் கொண்ட இந்த படத்தில் கல்யாணி சூப்பர் உமனாக நடிக்கிறார். பிரேமலு புகழ் நடிகர் நஸ்லேன் கதாநாயகனாக நடிக்க, ஒரு வில்லத்தனம் கலந்த போலீஸ் அதிகாரி கதாபாத்திரத்தில் நடித்துள்ளார் சாண்டி. சமீபத்தில் வெளியான இந்த படத்தின் டிரைலரை பார்க்கும்போது படத்திலும் இவருக்கு முக்கியத்துவம் கொடுத்து காட்சிகள் உருவாக்கப்பட்டுள்ளன என்பது நன்றாக தெரிகிறது. மலையாளத்தில் இது இவரது முதல் படம் என்பதால் மலையாள ரசிகர்களையும் சாண்டி கவருவார் என எதிர்பார்க்கலாம்.

• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்

• 
  தொடர்ந்து 'டார்கெட்' செய்யப்படும் பிரியங்கா மோகன்
• 
  25 ஆண்டுகளுக்கு முன்பு வாங்கிய 1 ரூபாய் அட்வான்ஸ்
• 
  சகலகலா வல்லவன் ‛ஹேப்பி நியூ இயர்' பாடலை படமாக்கிய மூத்த ஒளிப்பதிவாளர் ...
• 
  டிச., 25ல் சிறை ரிலீஸ் : உண்மை சம்பவத்தை அடிப்படையாக கொண்ட விக்ரம் பிரபு படம்
• 
  இமயமலை பயணத்தை நிறைவு செய்த ரஜனிகாந்த்