Dinamalar

யாருக்கு யார் வில்லன்? மோகன்லால் மோகன்பாபு போட்டாபோட்டி

தெலுங்கு திரையுலகில் அடுத்ததாக பான் இந்திய ரிலீஸ் ஆக மிகப்பெரிய வெளிஈட்டிற்கு தயாராகி வரும் படம் 'கண்ணப்பா'. முகேஷ் குமார் சிங் இயக்கி உள்ள இந்த படத்தில் நடிகர் விஷ்ணு மஞ்சு கதாநாயகனாக நடிக்க, மிக முக்கியமான வேடங்களில் நடிகர்கள் மோகன்லால், அக்ஷய் குமார், பிரபாஸ் ஆகியோர் சிறப்பு தோற்றங்களில் நடித்துள்ளனர். நடிகர் மோகன் பாபு இந்த படத்தை தயாரித்துள்ளதுடன் அவரும் ஒரு சிறிய வேடத்தில் நடித்துள்ளார். வரும் ஜூன் 27ம் தேதி இந்த படம் வெளியாவதை முன்னிட்டு இந்த படத்தின் புரமோஷன் நிகழ்ச்சிகள் தற்போது நடைபெற்று வருகின்றன. இந்த நிலையில் கேரளாவில் நடைபெற்ற இந்த புரமோஷன் நிகழ்ச்சியில் நடிகர் மோகன்லால் கலந்து கொண்டார்.

அப்போது இப்போது பேசிய மோகன்லால், “மோகன்பாபு ஒரு படத்தில் ஹீரோவாக நடிக்க வேண்டும். அவருக்கு வில்லனாக நான் நடிக்க வேண்டும்” என்கிற தனது ஆசையை வெளிப்படுத்தினார். உடனே மோகன்பாபு, “இல்லை நீங்கள் ஹீரோவாக நடிக்கணும். நான் தான் உங்களுக்கு வில்லனாக நடிக்கணும்” என்று பதிலுக்கு கூறினார்.

உடனே மோகன்லால், “கிட்டத்தட்ட 560 படங்களில் நடித்து விட்டீர்கள். ஏன் உங்களுக்கு இப்படி வில்லனாக நடிக்கும் ஆசை ? அப்படி ஒருவேளை நீங்கள் என் படத்தில் வில்லனாக நடித்தே தீருவேன் என்றால் உங்களை முதல் காட்சியிலேயே சுட்டுக் கொன்று விடுவேன்” என்று ஜாலியாக கூறினார். மோகன்லால், மோகன்பாபு இருவரும் இணைந்து எந்த படத்தில் நடிக்காவிட்டாலும் கூட பல வருட காலம் நட்பு இவர்களுக்குள் உண்டு என்பதை இந்த நிகழ்வில் கண்கூடாக பார்க்க முடிந்தது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா