Dinamalar

சிரஞ்சீவியை சந்தித்து வாழ்த்து பெற்ற 'குபேரா' இயக்குனர் சேகர் கம்முலா

தெலுங்குத் திரையுலகத்தின் முக்கிய இயக்குனர்களில் ஒருவர் சேகர் கம்முலா. 2000ம் ஆண்டில் வெளிவந்த 'டாலர் ட்ரீம்ஸ்' படம் மூலம் இயக்குனராக அறிமுகமானார். அதன்பின் 'ஆனந்த், கோதாவரி, ஹேப்பி டேய்ஸ், லீடர், லைப் இஸ் பியூட்டிபுல், அனாமிகா, பிடா, லவ் ஸ்டோரி' ஆகிய படங்களை இயக்கியுள்ளார். நயன்தாரா நடித்த 'அனாமிகா' படம் தமிழிலும் வெளியானது. தற்போது தனுஷ், நாகார்ஜுனா, ராஷ்மிகா மந்தனா நடித்துள்ள 'குபேரா' படத்தை இயக்கியுள்ளார். ஜுன் மாதம் 20ம் தேதி இப்படம் வெளியாக உள்ளது.

சேகர் கம்முலா திரையுலகத்தில் இயக்குனராக அறிமுகமாகி 25 ஆண்டுகள் ஆகியுள்ளது. அதற்காக நடிகர் சிரஞ்சீவியை நேரில் சந்தித்து வாழ்த்து பெற்றுள்ளார். அது குறித்து, “எனது டீன் ஏஜ் பருவத்தில் சிரஞ்சீவி சாரை ஒரு முறை பார்த்தேன். அருகில் இருந்து பார்த்தேன். எனக்கு அவருடன் ஒரு படம் பண்ண வேண்டும் என்று தோன்றியது, அவ்வளவுதான்.

நான் 25 ஆண்டுகளாக இந்தத் துறையில் இருக்கிறேன். எங்களது குழு 'கொண்டாடுவோம்' என்று சொன்னதை எனக்கு நினைவூட்டியவர் சிரஞ்சீவி. பல தலைமுறைகளுக்கு உத்வேகம் அளித்த ஆளுமை அவர். 'உன் கனவுகளைத் துரத்து, வெற்றி நம்மைப் பின் தொடரும்,' என்ற நம்பிக்கையை சிரஞ்சீவி எனக்குக் கொடுத்தார். எனவே, எனது 25 ஆண்டு பயணத்தை அவர் முன்னிலையில் கொண்டாட வேண்டும் என்று எனக்குத் தோன்றியது. நன்றி சார். இந்தத் தருணங்களில் மட்டுமல்ல, எனது டீன் ஏஜ் பருவத்திலிருந்தே நீங்கள் என் முன் இப்படித்தான் இருக்கிறீர்கள்” எனக் குறிப்பிட்டுள்ளார்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ஹீரோ ஆனார் இயக்குனர் லோகேஷ் கனகராஜ்
• 
  ‛சக்தி திருமகன்' முதல் ‛ஓஜி' வரை : இந்த வார ஓடிடி ஸ்பெஷல்....!
• 
  'பைசன்' படத்தை பாராட்டிய பா.ஜ.,வின் முன்னாள் தலைவர் அண்ணாமலை!
• 
  ஹாட்ரிக் ரூ.100 கோடி வசூலை தந்த பிரதீப் ரங்கநாதன்
• 
  அக்டோபர் 31ல் நெட் பிளிக்ஸ் ஓடிடி தளத்தில் வெளியாகும் தனுஷின் இட்லி கடை!