Dinamalar

தக் லைப் ஆடியோ விழாவில் மலையாள நடிகரை கண்கலங்க வைத்த கமல்

மணிரத்னம் இயக்கத்தில் கமல்ஹாசன் மற்றும் சிம்பு நடிப்பில் உருவாகியுள்ள படம் தக் லைப். திரிஷா, அபிராமி ஆகியோர் நடித்துள்ள இந்த படத்தில் மலையாள நடிகர் ஜோஜூ ஜார்ஜ் முக்கிய கதாபாத்திரத்தில் நடித்துள்ளார். இவர் மலையாளத்தில் ஜோசப் என்கிற படத்தின் மூலம் பிரபலமானாலும் தமிழில் ஜகமே தந்திரம் என்கிற படத்தில் நடித்ததன் மூலம் தமிழ் ரசிகர்களுக்கும் அறிமுகமானவர். கடந்த வருடம் மலையாளத்தில் இவர் இயக்கி நடித்த பணி என்கிற படத்தில் இவரின் நடிப்பு மற்றும் டைரக்ஷன் ஆகியவை ரசிகர்களிடம் பாராட்டை பெற்றது. இந்த நிலையில் தான் தக் லைப் படத்தில் முக்கிய கதாபாத்திரத்தில் இவர் நடித்துள்ளார்.

சமீபத்தில் நடைபெற்ற இந்த படத்தின் இசை வெளியீட்டு விழாவில் ஜோஜூ ஜார்ஜ் குறித்து கமல் பேசும்போது, “எனக்கு இவரைப் பற்றி அவ்வளவாக யார் என்று தெரியாது. ஆனால் சிலர் இவர் நடித்த இரட்ட என்கிற படத்தை பார்க்கும்படி எனக்கு கூறினார்கள். அந்தப்படத்தில் ஒரே போலீஸ் ஸ்டேஷனில் பணியாற்றும் இரண்டு கதாபாத்திரங்களில் இவர் நடித்திருந்தார். ஆனால் ரசிகர்கள் அந்த இரண்டு கதாபாத்திரங்களையும் எளிதாக வேறுபடுத்தி கண்டுபிடிக்கும் விதமாக தனித்துவமான நடிப்பை வெளிப்படுத்தி இருந்தார். பார்க்கும்போதே எனக்கு பொறாமையாக இருந்தது” என்று பேசினார்.

கமல், தன்னை புகழ்ந்து பேசுவதை கேட்டு கண்கலங்கினார் ஜோஜூ ஜார்ஜ். இந்த விழாவில் மட்டுமல்ல சமீபத்திய பேட்டிகளில் எல்லாமே ஜோஜூ ஜார்ஜ் நடிப்பு குறித்து கமல்ஹாசன் புகழ்ந்து பேசி வருகிறார் என்பது குறிப்பிடத்தக்கது.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  மனோரமாவின் மகன் பூபதி காலமானார்
• 
  பிளாஷ்பேக்: ஒரே படத்தில் 3 மொழிகளில் ஹீரோயினாக நடித்த வைஜயந்திமாலா
• 
  பிளாஷ்பேக்: அருணாச்சலம் முன்னோடி 'பணம் படுத்தும் பாடு'
• 
  என்னது, பாகுபலி பிரபாஸ் வயது 46 ஆ?
• 
  ஹாட்ரிக் வெற்றியால் படு பிஸியான பிரதீப் ரங்கநாதன்