Dinamalar

பெரிய பட்ஜெட்டில் உருவான 'டிடி நெக்ஸ்ட் லெவல்': சந்தானம் தகவல்

தில்லுக்கு துட்டு (டிடி) பட வரிசையில் தற்போது சந்தானம் நடித்து வரும் படம் 'டிடி நெக்ஸ்ட் லெவல்'. தி ஷோ பீப்பிள் நிறுவனத்தின் சார்பில் வெங்கட் போயனப்பள்ளி தயாரிக்கிறார். வருகிற மே 16ம் தேதி படம் வெளியாகிறது.

படம் பற்றி சந்தானம் கூறியிருப்பதாவது: 'தில்லுக்கு துட்டு' படத்தின் வெற்றிக்கு பிறகு அதே மாதிரியான படங்களை ரசிகர்கள் விரும்பினார்கள். அதனால் 'டிடி ரிட்டர்ன்ஸ்' வரை நடித்தேன். இதன் அடுத்த கட்டம்தான் 'டிடி நெக்ஸ்ட் லெவல்'. இதில் வழக்கத்தை விட பல கூடுதல் சிறப்புகள் இருக்கு. நான் நடித்த படங்களிலேயே அதிக பட்ஜெட்டில் உருவாகி உள்ள படம். கூடவே இயக்குனர்கள் கவுதம் மேனன், செல்வராகன் இணைந்திருக்கிறார்கள். அதோடு இந்த படத்தில் ஹாரர், காமெடி தாண்டி நிறைய ஆக்ஷன் காட்சிகள் இருக்கிறது.

நான் சினிமா விமர்சனம் செய்யும் யூடியூப்பராக நடிக்கிறேன். இந்த விமர்சனத்தால் எனக்கு ஒரு எதிர்பாராதவிதமான சம்பவம் நடக்கிறது. அதற்கு பிறகு என்னென்ன சிக்கல்கள் வருகிறது. அதை சமாளித்து எப்படி மீள்கிறேன் என்பதுதான் கதை.

படத்தின் நாயகி கீத்திகா திவாரி, தெலுங்கில் இருந்து தமிழுக்கு வருகிறார்; அவருக்கு படத்தில் இரண்டு கெட்அப் இருக்கிறது. தவிர நிழல்கள் ரவி, கஸ்தூரி, யாஷிகா ஆனந்த், ரெடின் கிங்ஸ்லி, 'லொள்ளு சபா' மாறன், மொட்டை ராஜேந்திரன்னு எனது டீம் அப்படியே படத்தில் இருக்கிறது. என் அம்மா அப்பாவா கஸ்தூரியும் நிழல்கள் ரவியும் படம் முழுவதும் வர்றாங்க. தங்கையாக யாஷிகா ஆனந்த். அண்ணன் - தங்கை கலாய்க்கற சீன்கள் எல்லோருக்கும் பிடிக்கும். அது இந்த படத்தில் நிறையவே இருக்கும்.

ஒளிப்பதிவாளர் தீபக் குமார் பதி, 'தில்லுக்கு துட்டு'ல இருந்து பல படங்கள் என்னோட பயணிக்கிறார். லைட்டிங், மேக்கிங் இரண்டிலும் ரொம்ப வித்தியாசப்படுத்திக் காட்டியிருக்கார். இசையமைப்பாளர் அப்ரோவும் சிறப்பாக பணியாற்றி இருக்கிறார். என்றார்.

• செய்திகள்
• ஆல்பம்
• வந்த படங்கள்
• வரவிருக்கும் படங்கள்
• டுவிட்டர்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்